જામજોધપુરના સમાણા રોડ પર બાઈક અને બુલેટ વચ્ચે અકસ્માત : એકનું કરુણ મૃત્યુ

Jamnagar Accident : જામનગર જિલ્લાના જામજોધપુર નજીક સમાણા રોડ પર એક મોટરસાયકલને પાછળથી બુલેટ ચાલકે ઠોકરે ચડાવતાં મોટરસાયકલ ચાલક ધૂનડા ગામના યુવાનનું ગંભીર ઈજા થવાથી કરુણ મૃત્યુ નિપજ્યું છે.

આ અકસ્માતના બનાવની વિગત એવી છે કે જામનગર જિલ્લાના જામજોધપુર તાલુકાના ધુનડા ગામમાં રહેતા કૌશિકભાઈ રમણીકભાઈ જોશી, કે જેઓ પોતાનું મોટરસાયકલ લઈને સડોદર ગામથી સમાણા ગામ તરફ જઈ રહ્યા હતા, જે દરમિયાન પાછળથી આવી રહેલા જી.જે. 6 એલ.કયુ. 3038 નંબરના બુલેટના ચાલકે ઠોકરે ચડાવતાં અકસ્માત સર્જાયો હતો, 

જે અકસ્માતના તેને માથાના ભાગે હેમરેજ સહિતની ગંભીર થઈ હતી, અને કરુણ મૃત્યુ નિપજ્યું છે. આ અકસ્માતના બનાવ અંગે મૃતકના ભાઈ હાર્દિક રમણીકભાઈ જોશી શેઠ વડાળા પોલીસ મથકમાં બુલેટ ચાલક સામે ફરિયાદ નોંધાવી છે.