પ્રથમ દિવસે ધોરણ-10 અને 12માં કુલ 623 જેટલા વિદ્યાર્થી ગેરહાજર

આણંદ જિલ્લામાં બોર્ડની પરીક્ષાનો શાંતિપૂર્ણ પ્રારંભ

ધોરણ 10 ગુજરાતીમાં 489 અને ધોરણ 12ના વિવિધ પ્રવાહમાં 134 વિદ્યાર્થી પરીક્ષાથી વંચિત 

આણંદ: ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા આણંદ જિલ્લામાં આજથી ધો.૧૦ અને ધો.૧૨ની બોર્ડ પરીક્ષાનો જિલ્લામાં શાતિપૂર્ણ વાતાવરણમાં પ્રારંભ થયો છે. વિદ્યાર્થીઓને કુમ કુમ તિલક કરી, ગુલાબનું ફૂલ આપીને મોઢું મીઠું કરાવી પરીક્ષા કેન્દ્રો ખાતે પ્રવેશ આપવામાં આવ્યો હતો.  બોર્ડની પરીક્ષાના પ્રથમ દિવસે જિલ્લા કલેક્ટરે આણંદ હાઇસ્કૂલ ખાતે ધોરણ ૧૦ની પરીક્ષા આપતા વિદ્યાર્થીઓને કુમ કુમ તિલક કરી, ગુલાબનું ફૂલ આપીને મોઢું મીઠું કરાવી પરીક્ષા કેન્દ્રો ખાતે આવકારી પ્રવેશ આપ્યો હતો. પ્રથમ દિવસે ધોરણ ૧૦માં નોંધાયેલા કુલ ૨૯૬૦૧ વિદ્યાર્થીઓ પૈકી ગુજરાતી વિષયમાં ૪૭૮ વિદ્યાર્થીઓ અને અંગ્રેજીમાં ૧૧ વિદ્યાર્થીઓ મળીને કુલ ૪૮૯ વિદ્યાર્થીઓ ગેરહાજર રહ્યાં હતાં. જ્યારે પ્રથમ દિવસે બપોર બાદ ધોરણ ૧૨માં નોંધાયેલા કુલ ૧૬,૬૬૩ વિદ્યાર્થીઓ પૈકી વિજ્ઞાન પ્રવાહમાં ભૌતિક વિજ્ઞાાનમાં ૩૪, સામાન્ય પ્રવાહ અર્થશાસ્ત્રમાં ૯૬ અને વ્યવસાયલક્ષી ઉદ્યોગ સાહસિકતામાં ૦૪ મળીને કુલ ૧૩૪ વિદ્યાર્થીઓ ગેરહાજર રહ્યાં હતાં.