વડોદરાના સયાજીગંજમાં ડેરીડેન પાસે કાર ચાલકે ચા ની લારી પાસે બેઠેલા ગ્રાહકો પર કાર ફેરવી દેતા ત્રણ ઘાયલ

Vadodara Accident : વડોદરાના સયાજીગંજ વિસ્તારમાં ગઈકાલે રાત્રે અકસ્માતના બનેલા એક બનાવમાં ચા ની લારી પાસે બેઠેલા ગ્રાહકો પર કાર ફેરવી દેતા ખુરશીઓનો ભૂકો થઈ ગયો હતો અને ત્રણ જણાની ઈજા થઈ હતી.

ડેરી ડેમ સર્કલ પાસે મોડી રાત્ર લારી ગલ્લાઓ ઉપર ભીડ જામતી હોય છે તે દરમિયાન કૌટિલ્ય ચૌહાણ તેનો મિત્ર શશાંક ચાની લારી પાસે ખુરશી પર બેસી ચા પી રહ્યા હતા તે દરમિયાન અચાનક સુર્યા પેલેસ તરફથી આવેલી કાર લારીમાં ઘૂસી જતા ખુરશીઓનો ખુરદો વળી ગયો હતો. 

આ બનાવમાં કૌટિલ્ય તેનો મિત્ર તેમજ અન્ય એક મહિલાને ઈજા થઈ હતી. જ્યારે ચા ની લારીના સામાનને પણ નુકસાન થયું હતું. કારની સ્પીડ કેટલી વધુ હતી કે આગળનો ભાગ તૂટી ગયો હતો. સયાજીગંજ પોલીસ બનાવનાર સ્થળે આવી જતા ઇજાગ્રસ્તોને સારવાર માટે લઈ જવાયા હતા અને કારચાલક સામે ગુનો નોંધી તેની શોધખોળ હાથ ધરાઇ છે.