હોળી-ધુળેટી પર્વ દરમિયાન વડોદરામાં બે યુવકો ડૂબ્યા, ફાયર બ્રિગેડ દ્વારા શોધખોળ

Vadodara Drowning : હોળી-ધુળેટી પર્વ નિમિત્તે નદી તળાવ ઉપર નાહવા પર પ્રતિબંધ હોવા છતાં ડૂબવાના બે બનાવ બનતા વડોદરા ફાયર બ્રિગેડની મદદ લેવામાં આવી છે.

છાણી-સમા કેનાલ ખાતે બપોરના સમયે ત્રણથી ચાર યુવકો નાહી રહ્યા હતા તે દરમિયાન એક યુવક પાણીના વહેણમાં તણાઈ જતા બૂમાબૂમ સાથે દોડધામ મચી હતી. સ્થાનિક લોકો દોડી આવ્યા હતા અને ફાયર બ્રિગેડને જાણ કરાતા યુવકની શોધખોળ કરવામાં આવી રહી છે. 

આવી જ રીતે બીજો એક બનાવ મહીસાગરના ઉમેટા બ્રિજ ખાતે બન્યો હતો. જેમાં એક યુવક ડૂબી જતા તેને શોધવા માટે સ્થાનિક તરવૈયાઓ ઉપરાંત ફાયર બ્રિગેડની મદદ લેવામાં આવી છે.