નડિયાદ તાલુકામાં 10 સાથે ખેડા જિલ્લામાં કોરોનાના નવા 19 કેસ

- જિલ્લામાં એક્ટિવ કેસ 145 થયા

- મહેમદાવાદમાં 3, કપડવંજમાં 2, વસા-મહુધા- ગળતેશ્વરમાં 1-1 કેસ નોંધાયો

જિલ્લામાં કોરોનાની સંભવિત ત્રીજી લહેરનો ભય ઓસરી રહ્યો છે. આજે નવા નોધાયેલા કોરોનાના ૧૯ કેસો સાથે જિલ્લામાં કોરોનાનો આંક ૪૧૩૯ થયો છે. જેમાં નડિયાદમાં ૧૦, મહેમદાવાદમાં ૩, કપડવંજમાં ર અને મહુધા,વસો, ગળતેશ્વર તથા ઠાસરામાં ૧-૧ કેસો જાહેર થયા છે. આજે સારવાર હેઠળના ૧૪૫ દર્દીઓ પૈકી ૧૪૦ દર્દીઓ હોમઆઇસોલેશનમાં છે, જ્યારે સિવિલ હોસ્પિટલમાં ૩ દર્દી, અને ખેડાની સબડિસ્ટ્રીક્ટ હોસ્પિટલમાં ર દર્દી સારવારહેઠળ છે.બદા દર્દીઓની હાલત સામાન્ય છે. જ્યારે આજે એકપણ દર્દી વેન્ટીલેટર પ ર કે ઓક્સિજન પર ન હોવાનું જાણવા મળ્યું છે. 

આજે જિલ્લામાં કોરોના શંકાસ્પદ ૧૮૨૮ દર્દીઓના સેમ્પલ લેવામાં આવ્યા હતા. જેમના રીઝલ્ટ હજુ પેન્ડીંગ છે. જ્યારે રસીકરણના ૧૦૨ સેશન યોજાયા હતા. જેમાં સાંજે પાંચ વાગ્યા સુધી ૧૪૭૯ લોકોએ રસી લીધી હતી.જ્યારે ૧૩૫૬ લોકોએ બુસ્ટર ડોઝ લીધો હતો. 

જેમાં ૫૮૯ સીનીયર સીટીઝન,૧૨૨ હેલ્થવર્કર અને ૬૪૫ ફ્રન્ટલાઇન વર્કરોએ ડોઝ લીધો હતો. જ્યારે ૧૫ થી ૧૮ વર્ષના ૫૬ બાળકોએ રસી લીધી હોવાનું જિલ્લા આરોગ્ય અધિકારીએ એક અખબારી યાદીમાંદ જણાવ્યં છે.