Vadodara Police : વડોદરા શહેર પોલીસ દ્વારા એક દિવસમાં જાહેરનામાના ભંગ બદલ જુદા જુદા વિસ્તારમાં 11 જણા સામે કેસ કરી અટકાયત કરવામાં આવી છે.
શહેરમાં કેટલાક દુકાનદારો મોબાઇલ તેમજ ગેરેજવાળા દ્વારા વાહનોની લે વેચ કરવામાં આવતી હોય છે. જેનું રજીસ્ટર મેન્ટેન કરવાનું હોય છે. આવી જ રીતે મકાન ભાડે આપનાર માલિકે તેમજ સાયકલોના દુકાનદારોએ પણ રજીસ્ટર મેન્ટેન કરવાનું હોય છે.
ગુનાહિત પ્રવૃત્તિઓ અટકાવવાના ભાગરૂપે પોલીસ કમિશનર દ્વારા બહાર પાડવામાં આવેલા ઉપરોક્ત જાહેરનામાના અમલ માટે શહેર એસ.ઓ.જી દ્વારા ગઈકાલે ઝુંબેશ ઉપાડવામાં આવી હતી. જે દરમિયાન પોલીસ સ્ટેશનમાં ચાર ગેરેજવાળા, વાડી પોલીસ સ્ટેશનમાં ચાર મકાનમાલિક સામે, રાવપુરામાં મોબાઇલની લે વેચ કરતા એક તેમજ નવાપુરામાં સાયકલના બે વેપારી સામે ગુનો નોંધી તેમની અટકાયત કરી છે.
