યશરાજ ફિલ્મ્સ લાવશે પોતાની પહેલી હોરર ફિલ્મ, મુખ્ય રોલમાં ધમાલ મચાવશે વરુણ ધવન: જુઓ વિગત...

Varun Dhawan Stars In YRF Horror: યશરાજ ફિલ્મ્સ (YRF) ભારતીય સિનેમાના ઈતિહાસમાં પ્રથમ વખત હોરર કેટેગરીની ફિલ્મમાં પ્રવેશ કરવા જઈ રહ્યું છે અને એમાં વરુણ ધવન મુખ્ય ભૂમિકામાં જોવા મળશે.. YRFએ અત્યાર સુધી લગભગ દરેક પ્રકારની સુપરહિટ ફિલ્મો આપી છે, પરંતુ હોરર જ એક એવો પ્રકાર છે જેમાં સ્ટુડિયોએ ક્યારેય કામ કર્યું નહોતું. હવે 2027માં આ પ્રતિષ્ઠિત બેનર પહેલીવાર હોરરની દુનિયામાં એન્ટ્રી કરશે.

અભય પન્નુ કરશે નિર્દેશન

સમીક્ષકો દ્વારા બિરદાવાયેલી અને હિટ વેબ સીરિઝ 'રોકેટ બોયઝ'થી જાણીતા થયેલા ડિરેક્ટર અભય પન્નુ આ ફિલ્મનું નિર્દેશન કરશે. નિર્દેશનની સાથે-સાથે તેમણે જ આ ફિલ્મની સ્ક્રિપ્ટ પણ લખી છે. 'રોકેટ બોયઝ'ની ભવ્ય સફળતા બાદ ડિરેક્ટર તરીકે અભય પન્નુની આ પ્રથમ થિયેટ્રિકલ રિલીઝ ફિલ્મ હશે.

વરુણ ધવન મુખ્ય ભૂમિકામાં

ફિલ્મ ઈન્ડસ્ટ્રીના સૂત્રોના જણાવ્યા અનુસાર, YRFની આ પ્રથમ હોરર ફિલ્મ માટે વરુણ ધવનની મુખ્ય અભિનેતા તરીકે પસંદગી કરવામાં આવી છે. 'સુઈ ધાગા’ બાદ વરુણ ધવનની યશરાજ ફિલ્મ્સ સાથે આ બીજી ફિલ્મ હશે, જેમાં તે તેમની પ્રથમ થિયેટ્રિકલ હોરર ફિલ્મમાં લીડ રોલમાં જોવા મળશે.

નવા ફિલ્મમેકર્સ પર ભરોસો

આ ફિલ્મ નવી પેઢીના ફિલ્મમેકર્સને આગળ ધપાવવાની YRFની પ્રતિબદ્ધતાને વધુ મજબૂત કરે છે. 'સૈયારા'ની શાનદાર સફળતા બાદ, આદિત્ય ચોપડાના માર્ગદર્શન હેઠળ YRFએ મોહિત સૂરી, સમીર સક્સેના અને હવે અભય પન્નુ જેવા અલગ અને નવીન વિચારસરણી ધરાવતા ફિલ્મમેકર્સ પર વિશ્વાસ મૂક્યો છે.

શૂટિંગ અને રિલીઝ ડેટ

આ ફિલ્મનું શૂટિંગ આ વર્ષના અંતમાં શરૂ થશે અને તેને વર્ષ 2027માં વિશ્વભરના સિનેમાઘરોમાં રિલીઝ કરવામાં આવશે.