સ્પાઈડર-મેનનો જાદુ: 17 દિવસમાં ₹19,330 કરોડની કમાણી સાથે 'Infinity War'નો રેકોર્ડ તોડ્યો

Spidey Enters Two Billion Club: સોની પિક્ચર્સ અને માર્વેલ સ્ટુડિયોઝની મોસ્ટ અવેટેડ ફિલ્મ 'સ્પાઈડર-મેન: બ્રાન્ડ ન્યૂ ડે' બોક્સ ઓફિસ પર ઈતિહાસ રચી રહી છે. ટોમ હોલેન્ડની સ્પાઈડર-મેન તરીકેની આ ચોથી સોલો ફિલ્મે વૈશ્વિક બોક્સ ઓફિસ પર માત્ર 17 દિવસ એટલે કે 3 વીકેન્ડની અંદર $2 Billion (અંદાજે ₹19,120 કરોડ)નો જાદુઈ આંકડો પાર કરી લીધો છે. આ સાથે જ આ ફિલ્મ વિશ્વ સિનેમાના ઈતિહાસમાં સૌથી ઝડપી $2 Billion કમાનારી બીજી ફિલ્મ બની ગઈ છે. આ મામલે પ્રથમ સ્થાને વર્ષ 2019માં આવેલી 'Avengers: Endgame' છે, જેણે માત્ર 11 દિવસમાં આ સિદ્ધિ હાંસલ કરી હતી.

વિશ્વભરમાં ₹19,330 કરોડનું તોતિંગ કલેક્શન

'સ્પાઈડર-મેન: બ્રાન્ડ ન્યૂ ડે'એ નોર્થ અમેરિકામાં $785.8 Million (અંદાજે ₹7,512 કરોડ)ની કમાણી કરી છે, જ્યારે આંતરરાષ્ટ્રીય સ્તરે $1.2 Billion (અંદાજે ₹11,472 કરોડ)થી વધુનો બિઝનેસ કર્યો છે. આ સાથે ફિલ્મનું કુલ વૈશ્વિક બોક્સ ઓફિસ કલેક્શન $2.022 Billion (અંદાજે ₹19,330 કરોડ) પર પહોંચી ગયું છે. અમેરિકા અને કેનેડામાં આ ફિલ્મ ઓલ-ટાઈમ ચોથી સૌથી વધુ ડોમેસ્ટિક કમાણી કરનારી ફિલ્મ બની ગઈ છે.

ફિલ્મે સતત ત્રીજા વીકેન્ડમાં પણ ડોમેસ્ટિક બોક્સ ઓફિસ પર નંબર 1નું સ્થાન જાળવી રાખ્યું હતું અને આ વીકેન્ડમાં $70 Million (અંદાજે ₹669 કરોડ)નો બિઝનેસ કર્યો હતો. જ્યારે વિદેશી બજારોમાં 67 દેશોમાંથી આ જ સમયગાળા દરમિયાન ફિલ્મે $119 Million (અંદાજે ₹1,137 કરોડ)થી વધુની કમાણી કરી હતી. ડેસ્ટિન ડેનિયલ ક્રેટનના નિર્દેશનમાં બનેલી આ ફિલ્મમાં ટોમ હોલેન્ડ સાથે ઝેન્ડાયા મુખ્ય ભૂમિકામાં છે.

પ્રથમ દિવસથી જ રેકોર્ડબ્રેક સફર: 'Endgame'નો ઓપનિંગ રેકોર્ડ તોડ્યો

31 Julyના રોજ રિલીઝ થયેલી આ ફિલ્મે શરૂઆતથી જ તમામ રેકોર્ડ્સ ધ્વસ્ત કરવાનું શરૂ કરી દીધું હતું:

• ડોમેસ્ટિક ઓપનિંગ: ફિલ્મે પહેલા જ વીકેન્ડમાં અમેરિકામાં $360 Million (અંદાજે ₹3,441 કરોડ)નું કલેક્શન કરીને 'Avengers: Endgame' ($357 Million / અંદાજે ₹3,412 કરોડ)નો ઓલ-ટાઈમ રેકોર્ડ તોડ્યો હતો.
• ગ્લોબલ ઓપનિંગ: વિશ્વભરમાં ફિલ્મે $927 Million (અંદાજે ₹8,862 કરોડ)ની ધમાકેદાર ઓપનિંગ મેળવી હતી.
• સૌથી ઝડપી $1 Billion: માત્ર 6 દિવસમાં ગ્લોબલ સ્તરે $1 Billion (અંદાજે ₹9,560 કરોડ)નો આંકડો વટાવીને તે ઈતિહાસની બીજી સૌથી ઝડપી ફિલ્મ બની હતી.

$2 Billion ક્લબમાં સામેલ થનારી વિશ્વની 8મી ફિલ્મ

'સ્પાઈડર-મેન: બ્રાન્ડ ન્યૂ ડે' વિશ્વભરમાં $2 Billion (અંદાજે ₹19,120 કરોડ)ની કમાણી કરનારી ઈતિહાસની માત્ર 8મી ફિલ્મ બની ગઈ છે. આ એલિટ ક્લબમાં સામેલ અન્ય ફિલ્મો:

1. 'Avatar'
2. 'Avengers: Endgame'
3. 'Ne Zha 2'
4. 'Avatar: The Way of Water'
5. 'Titanic'
6. 'Star Wars: The Force Awakens'
7. 'Avengers: Infinity War'

ઉલ્લેખનીય છે કે, આ દાયકામાં (2020 પછી) આ સિદ્ધિ મેળવનારી તે માત્ર ત્રીજી ફિલ્મ છે. આ પહેલાં વર્ષ 2022માં 'Avatar: The Way of Water' અને વર્ષ 2025માં 'Ne Zha 2'એ આ સીમાચિહ્ન પાર કર્યું હતું.

હવે 'Star Wars' અને 'Titanic' પર નજર

આ ફિલ્મે કમાણીના મામલામાં 'Avengers: Infinity War'ને પાછળ છોડી દીધી છે. હવે તેની નજર 'Star Wars: The Force Awakens' ($2.07 Billion / અંદાજે ₹19,789 કરોડ) અને જેમ્સ કેમરૂનની ઓલ-ટાઈમ બ્લોકબસ્ટર ફિલ્મ 'Titanic' ($2.264 Billion / અંદાજે ₹21,643 કરોડ)ના રેકોર્ડને તોડવા પર છે. ટ્રેડ એનાલિસ્ટ્સનું માનવું છે કે જે ગતિથી ફિલ્મ કમાણી કરી રહી છે, તે ટૂંક સમયમાં ટાઈટેનિકનો રેકોર્ડ પણ જોખમમાં મૂકી શકે છે.

સ્પાઈડર-મેન ફ્રેન્ચાઈઝીની ઓલ-ટાઈમ હાઈએસ્ટ ગ્રોસિંગ ફિલ્મ

આ ફિલ્મ સાથે જ સ્પાઈડર-મેન સિનેમેટિક ઈતિહાસની સૌથી વધુ કમાણી કરનારી ફિલ્મ બની ગઈ છે. તેણે 2021ની 'Spider-Man: No Way Home' ($1.92 Billion / અંદાજે ₹18,355 કરોડ)નો રેકોર્ડ તોડી નાખ્યો છે.

આ ઐતિહાસિક સફળતા સાથે ટોમ હોલેન્ડ સ્પાઈડર-મેનનું પાત્ર ભજવનારા એકમાત્ર એવો અભિનેતા બન્યો છે જેના નામે મલ્ટિપલ બિલિયન ડોલર ફિલ્મો છે. આ સાથે જ માર્વેલની 'મલ્ટીવર્સ સાગા' બેનર હેઠળ તે સૌથી વધુ કમાણી કરનારી ફિલ્મ બની ગઈ છે (આ પહેલાં 2024માં 'Deadpool & Wolverine' એ $1.33 Billion / અંદાજે ₹12,714 કરોડની કમાણી કરી હતી). આ ફિલ્મ અત્યાર સુધી વર્ષ 2026ની સૌથી વધુ કમાણી કરનારી ફિલ્મ બની ચૂકી છે.