આદિત્ય રોય કપૂરની નવી ફિલ્મ માટે હજુ હિરોઈન નક્કી નહીં

મુંબઇ : આદિત્ય રોય કપૂરના આગામી મ્યુઝિકલ કોમેડી ફિલ્મનું શૂટિંગ આ મહિનેથી શરુ થઈ જવાનું છે. જોકે, હજુ સુધી આ ફિલ્મનું ટાઈટલ કે મુખ્ય હિરોઈન નક્કી થયાં નથી. મિલાપ ઝવેરી આ ફિલ્મ બનાવી રહ્યા છે.
અગાઉ આ ફિલ્મની હિરોઇન તરીકે ભાગ્ય શ્રી બોરસેના નામની ચર્ચા થઇ હતી. પરંતુ નિર્માતા ટી સિરિઝ દ્વારા નિવેદન બહાર પાડી આ બાબતનેે નકારી કાઢવામાં આવી હતી. ભાગ્ય શ્રી બોરસે છેલ્લે અખિલ અક્કીનેની સામે તેલુગુ ફિલ્મ 'લેનિન'માં દેખાઇ હતી. આદિત્ય રોય કપૂર છેલ્લે ૨૦૨૫માં સારા અલી ખાન સાથે 'મેટ્રો ઇન દિનો'માં જોવા મળ્યો હતો.
આ ફિલ્મ અનુરાગ બાસુએ નિર્દેશિત કરી હતી. મિલાપ ઝવેરી નિર્દેશિત આ ફિલ્મને ૨૦૨૭માં રિલિઝ કરવાનું આયોજન છે.