હર્ષ વર્ધન રાણેની પોલીસ કંપની આવતાં વર્ષે જૂનમાં રજૂ થશે

• દયા નાયકની બાયોપિકમાં હર્ષવર્ધન મુખ્ય ભૂમિકામાં
• વર્ષો બાદ મુંબઈની અંધારી આલમ પર રામ ગોપાલ વર્માની વધુ એક ફિલ્મ

મુંબઇ : મુંબઇના એન્કાઉન્ટર સ્પેશ્યાલિસ્ટ દયા નાયકની કારકિર્દીને આવરી લેતી ફિલ્મ 'પોલીસ કંપની'નું પોસ્ટર જારી કરી તેને ચોથી જુન ૨૦૨૭માં રજૂ કરવાની જાહેરાત કરવામાં આવી હતી. આ ફિલ્મમાં દયા નાયકની ભૂમિકા હર્ષવર્ધન રાણે ભજવી રહ્યો છે.
આ ફિલ્મના નિર્માણ માટે રામ ગોપાલ વર્માએ ભૂષણ કુમાર સાથે હાથ મિલાવ્યા છે. ફિલ્મમાં મુંબઇના ગેંગ વોરનાં વર્ષોની કહાની પોલીસની નજરે રજૂ કરવામાં આવશે.
પોલીસ કંપની ફિલ્મમાં હર્ષવર્ધન રાણેની સાથે ફરદીન ખાન, ફાતિમા સના શેખ, પરેશ રાવલ, સૌરભ શુકલા, મકરંદ દેશપાંડે અને અશ્વિની કાલસેકર મહત્વની ભૂમિકાઓમાં જોવા મળશે.
આ ફિલ્મને 'કંપની' ફિલ્મની કમ્પેનિયન ફિલ્મ તરીકે બનાવવામાં આવી રહી છે. એ સમયે મુંબઇની અંધારી આલમના આશરે ૩૦૦ ગુંડાઓનો સફાયો પોલીસ દ્વારા કરી નાંખવામાં આવ્યો હતો.