વારાણસીમાં ₹10,998 કરોડનો વરૂણા એલિવેટેડ કોરિડોર, 43.2 કિમીના પ્રોજેક્ટથી ટ્રાફિક ઘટશે

કેન્દ્ર સરકાર દ્વારા વારાણસીમાં વરૂણા નદીના કિનારે ₹10,998 કરોડ ના ખર્ચે 43.218 કિમી લાંબા 'વરૂણા એલિવેટેડ કોરિડોર'ના નિર્માણને મંજૂરી આપવામાં આવી છે. આ પ્રોજેક્ટ વારાણસીના ટ્રાફિકને હળવો કરવા અને સાંસ્કૃતિક-આર્થિક કનેક્ટિવિટી વધારવા માટેનું મહત્વપૂર્ણ પગલું છે.

યોજનાનું સ્વરૂપ 

• ખર્ચ અને લંબાઈ: ₹10,998 કરોડના ખર્ચે 43.218 કિલોમીટર લાંબો 6/4-લેન એલિવેટેડ કોરિડોર નિર્માણ પામશે.
• નોડલ એજન્સી: માર્ગ પરિવહન અને રાજમાર્ગ મંત્રાલય (MoRTH) હેઠળ NHAI દ્વારા નિર્માણ.
• કનેક્ટિવિટી: NH-31 ને વારાણસી રિંગ રોડ સાથે જોડશે. તેમાં ઓટોમેટિક કેબલ-સ્ટેડ બ્રિજ અને એક્સ્ટ્રાડોઝ્ડ ફૂટ ઓવર બ્રિજનો સમાવેશ થાય છે.
• ડિઝાઇન સ્પીડ: 80 થી 100 કિમી/કલાકની ઝડપ માટે ડિઝાઇન કરાયેલ છે, જેથી મુસાફરીનો સમય 50% થી 65% સુધી ઘટશે. 

આર્થિક અને લોજિસ્ટિક્સ મહત્ત્વ 

આ પ્રોજેક્ટ ગતિશક્તિ સાથે સંકલિત છે, જે ચંદૌલી સોશિયો-ઇકોનોમિક ઝોન અને 6 મુખ્ય લોજિસ્ટિક્સ નોડ્સ સાથે જોડાઈને પૂર્વ ઉત્તર પ્રદેશમાં માલસામાન (Freight) ની હેરફેર ઝડપી બનાવશે.

લાલ બહાદુર શાસ્ત્રી ઇન્ટરનેશનલ એરપોર્ટ, વારાણસી કેન્ટ, કાશી રેલવે સ્ટેશન, ડીડીયુ (DDU) જંકશન અને રામનગર પોર્ટ (જળમાર્ગ) જેવા પરિવહનના તમામ માધ્યમોને એકબીજા સાથે જોડશે.

 સુશાસન અને શહેરી વિનિયોગ 

વારાણસી જેવા પ્રાચીન અને ઘીચ શહેરોમાં સ્થાનિક રસ્તા પહોળા કરવા મુશ્કેલ હોવાથી, 'એલિવેટેડ સ્ટ્રક્ચર' (Elevated Corridor) દ્વારા હેરિટેજ સ્થળોને નુકસાન પહોંચાડ્યા વગર ટ્રાફિકનું ભારણ ઘટાડવાનું ઉત્કૃષ્ટ ગવર્નન્સ મોડેલ છે.

કાશી વિશ્વનાથ કોરિડોર, ઘાટો અને સંપૂર્ણાનાંદ સંસ્કૃત વિશ્વવિદ્યાલય સુધી પ્રવાસીઓ અને વિદ્યાર્થીઓની પહોંચ સરળ બનશે.

પરિક્ષાલક્ષી પ્રશ્ન
પ્રશ્ન 1: વરૂણા એલિવેટેડ કોરિડોર કયા શહેરમાં પ્રસ્તાવિત કરવામાં આવ્યો છે?

A) પ્રયાગરાજ
B) લખનૌ
C) વારાણસી
D) કાનપુર