રેમન મેગ્સેસે એવોર્ડ 2026: ત્રણ એશિયન સમાજસેવકોને પ્રતિષ્ઠિત સન્માન

રેમન મેગ્સેસે એવોર્ડ ફાઉન્ડેશન દ્વારા એશિયામાં સમાજ માટે ઉત્કૃષ્ટ યોગદાન આપનાર ત્રણ મહાનુભાવોને 'રેમન મેગ્સેસે એવોર્ડ 2026' થી સન્માનિત કરવામાં આવ્યા છે. આ એવોર્ડ મેળવનાર વિજેતાઓમાં ટૉમી કોહ (સિંગાપોર), રુના ખાન (બાંગ્લાદેશ) અને બો ક્યી (મ્યાનમાર) નો સમાવેશ થાય છે. 

રેમન મેગ્સેસે એવોર્ડ વિશે 

• આ એવોર્ડની સ્થાપના ૧૯૫૮માં કરવામાં આવી હતી. તે એશિયાના સૌથી પ્રતિષ્ઠિત સન્માનોમાં ગણવામાં આવે છે અને તેને ‘એશિયાના નોબેલ પુરસ્કાર’ તરીકે પણ ઓળખવામાં આવે છે.
• આ પુરસ્કાર જાતિ, લિંગ કે ધર્મ વગર નિઃસ્વાર્થ સેવા, આત્માની મહાનતા, પરિવર્તનકારી નેતૃત્વ અને સાહસને માન્યતા આપવા માટે એનાયત કરવામાં આવે છે.
• વિજેતાઓને રેમન મેગ્સેસે એવોર્ડ ફાઉન્ડેશન (RMAF) દ્વારા મેડલ, પ્રમાણપત્ર અને રોકડ પુરસ્કાર આપવામાં આવે છે.
• 1958 થી 2008 સુધી આ એવોર્ડ 6 શ્રેણીઓમાં અપાતો હતો. 2009 પછી ફોર્ડ ફાઉન્ડેશનના સહયોગથી ચાલતી 'ઇમર્જન્ટ લીડરશિપ' (40 વર્ષ કે તેથી ઓછી ઉંમરના વ્યક્તિઓ માટે) શ્રેણી સિવાયની નિશ્ચિત શ્રેણીઓ નાબૂદ કરવામાં આવી છે.

પરીક્ષાલક્ષી પ્રશ્ન

પ્રશ્ન 1: નીચેના પૈકી કયા મહાનુભાવોને રેમન મેગ્સેસે એવોર્ડ 2026 એનાયત કરવામાં આવ્યો છે?

1. ટૉમી કોહ
2. રુના ખાન
3. બો ક્યી
4. અમર્ત્ય સેન

(A) માત્ર 1 અને 2
(B) માત્ર 1, 2 અને 3
(C) માત્ર 2, 3 અને 4
(D) 1, 2, 3 અને 4