AI-RPA કૌશલ્ય વિકાસ માટે ગુજરાત સરકાર અને ઓટોમેશન એનિવેર વચ્ચે MoU

ગુજરાત સરકારના વિજ્ઞાન અને ટેકનોલોજી વિભાગ દ્વારા આર્ટિફિશિયલ ઇન્ટેલિજન્સ (AI) અને રોબોટિક પ્રોસેસ ઓટોમેશન (RPA) ક્ષેત્રે કૌશલ્ય વર્ધનને પ્રોત્સાહન આપવા માટે ઓટોમેશન એનિવેર સાથે એક મહત્વપૂર્ણ સમજૂતી કરાર પર હસ્તાક્ષર કરવામાં આવ્યા છે.

MoU ના મુખ્ય મુદ્દાઓ:

• ₹100 કરોડનું સહાય: ઓટોમેશન એનિવેર આગામી 10 વર્ષો દરમિયાન ગુજરાતમાં AI તાલીમ, ક્ષમતા નિર્માણ (Capacity Building) અને સંબંધિત પહેલો માટે આશરે ₹100 કરોડની સહાય પૂરી પાડશે.
• લક્ષિત જૂથો: આ પહેલ હેઠળ વિદ્યાર્થીઓ, યુવાનો, સરકારી કર્મચારીઓ, MSMEs, સ્ટાર્ટઅપ્સ અને શૈક્ષણિક સંસ્થાઓ માટે AI અને મશીન લર્નિંગના વિશેષ તાલીમ કાર્યક્રમો, વર્કશોપ, બુટકેમ્પ અને સર્ટિફિકેશન કોર્સ યોજાશે.
• પ્રાયોગિક શિક્ષણ (Hands-on Learning): શિખ્યાસુઓને વ્યવહારુ અનુભવ માટે ઓટોમેશન એનિવેરના નો-કોડ (No-code) અને લો-કોડ (Low-code) 'ઓટોમેશન સક્સેસ પ્લેટફોર્મ'ના કોમ્યુનિટી એડિશન લાયસન્સની નિઃશુલ્ક ઍક્સેસ મળશે.
• સંસાધનો અને ઈન્ફ્રાસ્ટ્રક્ચર: ઓટોમેશન એનિવેર વિષય નિષ્ણાતો, ટ્રેનર્સ, મેન્ટર્સ અને લર્નિંગ કન્ટેન્ટ પૂરૂં પાડશે, જ્યારે ગુજરાત સરકારનો વિજ્ઞાન અને ટેકનોલોજી વિભાગ (DST) ઈન્ફ્રાસ્ટ્રક્ચર તથા વિવિધ સરકારી અને શૈક્ષણિક સંસ્થાઓ સાથે સમન્વયનું કાર્ય સંભાળશે.
• વ્યૂહાત્મક હેતુ: આ ભાગીદારીનો મુખ્ય ઉદ્દેશ્ય ગુજરાતને AI, ડિજિટલ ટ્રાન્સફોર્મેશન અને ઉભરતી ટેકનોલોજીના ક્ષેત્રે અગ્રેસર રાજ્ય બનાવવાનો અને ઉદ્યોગ-સરકાર-એકેડેમિયા વચ્ચે સહયોગ મજબૂત કરવાનો છે.

પરીક્ષાલક્ષી પ્રશ્ન:

પ્રશ્ન 1: ગુજરાત સરકારે AI અને RPA ક્ષેત્રે કૌશલ્ય વિકાસ માટે કોની સાથે MoU કર્યો છે?

(A) માઇક્રોસોફ્ટ
(B) ઓટોમેશન એનિવેર
(C) IBM
(D) ગૂગલ