ભારતનું પ્રથમ ‘વર્ચ્યુઅલ ઝૂ’ ઇન્દોરમાં ખુલ્લું મૂકાયું

મધ્યપ્રદેશના ઇન્દોર સ્થિત કમલા નેહરુ પ્રાણી સંગ્રહાલયમાં ટેક્નોલોજી આધારિત વર્ચ્યુઅલ (ડિજિટલ) પ્રાણી સંગ્રહાલય સુવિધા શરૂ કરવામાં આવી છે. તેની સાથે ૧૪-ડી થિયેટર, વર્ચ્યુઅલ જંગલ સફારી, ડિજિટલ ગાર્ડન, ડિજિટલ મેઝ અને હોલોગ્રામ પ્રાણી સંગ્રહાલય જેવી સુવિધાઓ પણ વિકસાવવામાં આવી છે. 

આનો ઉદ્દેશ્ય ટેકનોલોજીના માધ્યમથી બાળકો અને પ્રવાસીઓને વન્યજીવો (Wildlife) અને પ્રકૃતિ વિશે જાગરૂક કરવા અને નવો અનુભવ પૂરો પાડવો. 

વર્ચ્યુઅલ જંગલ સફારી શું છે?

• વર્ચ્યુઅલ જંગલ સફારીમાં વાસ્તવિક જંગલમાં ગયા વિના ડિજિટલ ટેક્નોલોજી દ્વારા જંગલ અને વન્યજીવોનો અનુભવ કરાવવામાં આવે છે.
• આનો ઉપયોગ માત્ર મનોરંજન માટે નહીં પરંતુ વન્યજીવન શિક્ષણ માટે પણ કરી શકાય છે. વિદ્યાર્થીઓ વિવિધ પ્રાણીઓ, તેમના આવાસ અને પર્યાવરણ વિશે વધુ રસપ્રદ રીતે શીખી શકે છે.

14-D થિયેટર શું છે?

14-D થિયેટરમાં દર્શકો VR ચશ્માં પહેરીને ફિલ્મ જુએ છે, જેમાં 14 વિવિધ વિશેષ પ્રભાવોનો સમાવેશ થાય છે જેમ કે મોશન સીટ્સ (દ્રશ્ય સાથે સિંક્રનાઇઝ થતી બેઠકોની હલચલ), પવન અસર, વરસાદ વગેરે.