ભારત-રશિયા આર્થિક સહયોગને વેગ, 2030 સુધી $100 અબજ વેપારનું લક્ષ્ય

18મા બ્રિક્સ શિખર સંમેલન દરમિયાન ભારત અને રશિયા વચ્ચે દ્વિપક્ષીય આર્થિક અને ઔદ્યોગિક સહયોગને મજબૂત કરવા માટે નવી દિલ્હી ખાતે ‘ઇનોપ્રોમ ઇન્ડિયા 2026’ પ્રદર્શન અને ઉચ્ચસ્તરીય બેઠકો યોજાઈ હતી. આ દરમિયાન વર્ષ 2030 સુધીમાં બંને દેશો વચ્ચે દ્વિપક્ષીય વેપાર 100 અબજ ડૉલર (USD 100 Billion) સુધી પહોંચાડવાનો લક્ષ્યાંક નક્કી કરવામાં આવ્યો છે.

દ્વિપક્ષીય આર્થિક લક્ષ્યાંકો 

• દ્વિપક્ષીય વેપાર લક્ષ્યાંક: વર્ષ 2030 સુધીમાં $100 અબજ (હાલમાં આશરે $60 અબજ છે).
• દ્વિપક્ષીય રોકાણ લક્ષ્યાંક: વર્ષ 2030 સુધીમાં $50 અબજ.
• દ્વિપક્ષીય રોકાણ સંધિ: રોકાણકારોને કાનૂની સુરક્ષા આપવા માટે નવા 'દ્વિપક્ષીય રોકાણ કરાર' પર વાટાઘાટો ઝડપી કરાશે.

વેપારનું સંતુલન

રશિયા ખાતે ભારતમાંથી ફાર્માસ્યુટિકલ્સ, ટેક્સટાઈલ, એન્જિનિયરિંગ ગુડ્સ, કેમિકલ્સ અને ખાદ્ય પદાર્થોની નિકાસ વધારીને વેપાર અસંતુલન ઘટાડવાનો પ્રયાસ કરાશે.

મુખ્ય સહયોગ ક્ષેત્રો 

1. સંરક્ષણ ક્ષેત્ર 

• S-400 ટ્રાયમ્ફની  બાકી સિસ્ટમ્સની ઝડપી ડિલિવરી
• બ્રહ્મોસ મિસાઇલ અપગ્રેડેશન
• Su-57 ફાઇટર જેટ્સના સંયુક્ત ઉત્પાદન માટે વાટાઘાટો

2. ઊર્જા અને અણુ ઊર્જા 

• ક્રૂડ ઓઇલ અને ગેસ પુરવઠો.
• ભારતમાં રશિયન બનાવટના પરમાણુ ઉર્જા પ્લાન્ટ માટે બીજા સંભવિત સ્થળની પસંદગી.
• ખાતરનો સતત પુરવઠો અને સંયુક્ત સાહસો.

3. ઔદ્યોગિક અને ઈન્ફ્રાસ્ટ્રક્ચર

• રેલવે, ટનલિંગ, સ્ટીલ વેલ્યુ ચેઈન, ક્રિટિકલ મિનરલ્સ (લિથિયમ, ટાઇટેનિયમ), આર્ટિફિશિયલ ઇન્ટેલિજન્સ (AI) અને કુશળ માનવબળ (Skilled Labour Mobility) નો સહયોગ.