FAO 100 Women Heroes 2026: મિઝોરમની ZT લાલરીથાંગીની પસંદગી, સન્માન મેળવનાર પ્રથમ મિઝો મહિલા

મિઝોરમના લોંગતલાઇ જિલ્લાના સાંગાઉ ગામના 35 વર્ષીય મહિલા ખેડૂત ZT લાલરીથાંગી (જિમને 'Pi Mari-i'તરીકે પણ ઓળખવામાં આવે છે) ની સંયુક્ત રાષ્ટ્રના ખાદ્ય અને કૃષિ સંગઠન (FAO) દ્વારા '100 વુમન હીરોઝ ઇન એગ્રીફૂડ સિસ્ટમ્સ એન્ડ રૂરલ ડેવલપમેન્ટ' એવોર્ડ માટે પસંદગી કરવામાં આવી છે. આ સન્માન મેળવનાર તેઓ પ્રથમ મિઝો વ્યક્તિ છે.

આ એવોર્ડ 'ઇન્ટરનેશનલ યર ઓફ વુમન ફાર્મર્સ 2026' સાથે જોડાયેલો છે. 131 દેશોમાંથી મળેલી 600 થી વધુ નામાંકનોમાંથી વિશ્વભરમાંથી કુલ 100 મહિલાઓની પસંદગી કરવામાં આવી છે. આ પુરસ્કાર માટે પસંદગી પામેલી બે ભારતીય મહિલાઓમાંથી લાલરીથાંગી એક છે. 

મિઝોરમમાં સ્ટ્રોબેરીની ખેતી અને સફળતા

તેમણે વર્ષ 2024 માં સ્ટ્રોબેરીની ખેતી શરૂ કરી હતી અને તેને બે હેક્ટર જમીનમાં 10,000 થી વધુ છોડ સુધી વિસ્તારી હતી. તેઓ તાજી સ્ટ્રોબેરી ઉપરાંત સ્ટ્રોબેરી વાઇન અને અન્ય પ્રોસેસ્ડ ઉત્પાદનો બનાવે છે અને તેમના આ કૃષિ સાહસે વર્ષ 2024 માં આશરે ₹1.5 લાખ અને વર્ષ 2025 માં ₹10 લાખથી વધુ ની આવક મેળવી હતી.

ફૂડ એન્ડ એગ્રીકલ્ચર ઑર્ગેનાઇઝેશન ઑફ ધ યુનાઇટેડ નેશન્સ 

• FAO ની સ્થાપના 16 ઑક્ટોબર, 1945ના રોજ કરવામાં આવી હતી અને તેનું મુખ્ય મથક રોમ, ઇટાલી ખાતે આવેલું છે. તેનું સૂત્ર ‘Fiat Panis’ છે, જેનો અર્થ ‘Let there be bread’ થાય છે.
• FAO એ સંયુક્ત રાષ્ટ્રની વિશિષ્ટ એજન્સી છે, જેનો મુખ્ય ઉદ્દેશ ભૂખમરો અને કુપોષણ ઘટાડવા, ખાદ્ય સુરક્ષા સુનિશ્ચિત કરવા તથા કૃષિ, વનસંપદા અને મત્સ્ય ક્ષેત્રના ટકાઉ વિકાસને પ્રોત્સાહન આપવાનો છે. 
• દર વર્ષે 16 ઑક્ટોબરે વિશ્વ ખાદ્ય દિવસ (World Food Day)ની ઉજવણી FAOની સ્થાપનાની યાદમાં ઉજવવામાં આવે છે. 

પરીક્ષાલક્ષી પ્રશ્ન
પ્રશ્ન 1: ZT લાલરીથાંગીની કયા એવોર્ડ માટે પસંદગી કરવામાં આવી છે?

(A) Global Women in Agriculture Award
(B) 100 Women Heroes in Agrifood Systems and Rural Development
(C) FAO Food Security Excellence Award
(D) International Women Farmers Award