80મા સ્વતંત્રતા દિવસ પર બન્નીના ઘાસના મેદાનોમાં 20 કાળિયાર મુક્ત કરાયા

ભારતના 80મા સ્વતંત્રતા દિવસે, ગુજરાત વન વિભાગે 'ગ્રીન્સ ઝૂઓલોજિકલ રેસ્ક્યુ એન્ડ રિહેબિલિટેશન સેન્ટર' (GZRRC - વનતારા)ના ટેકનિકલ સપોર્ટથી કચ્છના બન્ની ઘાસના મેદાનમાં 20 કાળિયાર મુક્ત કર્યા છે. આ અનોખા વિસ્તારમાં સ્થાનિક વન્યજીવો અને કુદરતી વાતાવરણને પુનઃજીવંત કરવાની દિશામાં આ એક સીમાચિહ્નરૂપ પગલું છે.

હેતુ અને મહત્ત્વ

• કુદરતી શિકારી-શિકાર (predator-prey) ગતિશીલતા પુનઃનિર્માણ કરવી
• ઇકોસિસ્ટમ સ્થિતિસ્થાપકતાને પ્રોત્સાહન આપવું
• બન્નીના ઇકોલોજિકલ ચરિત્ર અને જૈવવિવિધતાને પુનઃસ્થાપિત કરવી

બન્ની ઘાસમેદાન 

• બન્ની ઘાસમેદાન ગુજરાતના કચ્છ જિલ્લામાં આવેલું ભારતના મહત્વપૂર્ણ ઘાસમેદાની પરિસરોમાંનું એક છે 
• બન્નીમાં ભારતીય વરુ, ચિંકારા, નીલગાય, પટ્ટાવાળી હાયના (Striped Hyena), ભારતીય શિયાળ વગેરે વન્યજીવો જોવા મળે છે.
• બન્ની બન્ની ભેંસ માટે પણ પ્રસિદ્ધ છે અને અહીં માલધારી સમુદાયોની પશુપાલન આધારિત જીવનશૈલી જોવા મળે છે.

અગાઉની મહત્વપૂર્ણ પહેલ સાથે સંબંધ 

• બન્ની ઘાસમેદાનમાં વંતારા અને ગુજરાત વન વિભાગ વચ્ચે સહયોગથી અગાઉ પણ વન્યજીવન સ્થળાંતર કરવામાં આવ્યું હતું.
• જુલાઈ 2025માં 20 ચિત્તલ (spotted deer) ને વંતારાના જામનગર સ્થિત એક્સ-સીટુ સંરક્ષણ સુવિધા માંથી બન્નીના 70 હેક્ટરના નિયુક્ત સંરક્ષિત વિસ્તારમાં સ્થાનાંતરિત કરવામાં આવ્યા હતા. 

બન્ની અને પ્રોજેક્ટ ચિત્તા

 મધ્યપ્રદેશના કુનો નેશનલ પાર્ક પછી બન્ની ઘાસમેદાનને ગુજરાતમાં ચિત્તા સંરક્ષણ માટે સંભવિત મહત્વપૂર્ણ વિસ્તાર તરીકે વિકસાવવામાં આવી રહ્યું છે. આથી આ પ્રક્રિયા કુનો નેશનલ પાર્કની બહાર ભારતમાં ચિત્તાના સંરક્ષણ માટે નવા આવાસની સંભાવના સાથે જોડાયેલી છે.