ભારતની ટોચની ૧૦૦ બ્રાન્ડ્સનું મૂલ્ય ૭ ટકા વધીને ૨૫૨ બિલિયન ડોલર

ટાટા ગુ્રપ સતત ૧૦મા વર્ષે ભારતની સૌથી મૂલ્યવાન બ્રાન્ડ, ઇન્ફોસિસ બીજા સ્થાને
અમદાવાદ : ૨૦૨૬માં ભારતની ટોચની ૧૦૦ બ્રાન્ડ્સનું સામૂહિક બ્રાન્ડ મૂલ્ય ૨૫૨.૮ બિલિયન ડોલર નોંધાયું છે, જે પાછલા વર્ષની સરખામણીમાં ૭% વધુ છે. બ્રાન્ડ ફાઇનાન્સ ઇન્ડિયા ૧૦૦-૨૦૨૬ રિપોર્ટ જણાવે છે કે આ રેન્કિંગ ભારતની અગ્રણી બ્રાન્ડ્સની મજબૂતાઈને રેખાંકિત કરે છે. પડકારજનક વૈશ્વિક વાતાવરણ છતાં આ ટોચની ૧૦ બ્રાન્ડ્સમાંથી નવ બ્રાન્ડ્સે બ્રાન્ડ મૂલ્યમાં વૃદ્ધિ જોઈ છે.
કોર્પોરેટ જગતમાં, ટાટા ગુ્રુપ (બ્રાન્ડ મૂલ્ય ૭% વધીને ૩૩.૬ બિલિયન ડોલર) સતત ૧૦મા વર્ષે દેશના સૌથી મૂલ્યવાન બ્રાન્ડ તરીકે પોતાનું સ્થાન જાળવી રાખે છે.
ઇન્ફોસિસ (બ્રાન્ડ વેલ્યુ ૧૬.૪ બિલિયન ડોલર પર સ્થિર રહી) એ સતત પાંચ વર્ષ સુધી ભારતમાં બીજા ક્રમની સૌથી મૂલ્યવાન બ્રાન્ડ તરીકે પોતાનું સ્થાન જાળવી રાખ્યું છે. આર્ટિફિશિયલ ઇન્ટેલિજન્સ, ક્લાઉડ અને ડિજિટલ ટ્રાન્સફાર્ર્મેશન સેવાઓની સતત મજબૂત માંગને કારણે આ બ્રાન્ડે ઘણા મોટા સોદા મેળવ્યા છે.એલઆઈસી ગુ્રપ (બ્રાન્ડ વેલ્યુ ૧૨ ટકા વધીને ૧૫.૩ બિલિયન ડોલર) તેની રાષ્ટ્રવ્યાપી પહોંચનો લાભ મેળવી રહી છે. બ્રાન્ડ ફાઇનાન્સ ઇન્ડિયા રિપોર્ટમાં બ્રાન્ડ વેલ્યુ અને બ્રાન્ડ પાવર બંનેમાં ટોચના પાંચમાં સ્થાન મેળવનાર એલઆઈસી એકમાત્ર બ્રાન્ડ છે.
બેંકોના કિસ્સામાં, એચડીએફસી ગ્રુપ (બ્રાન્ડ વેલ્યુ ૨ ટકા ઘટીને ૧૩.૯ બિલિયન ડોલર) બ્રાન્ડ વેલ્યુમાં થોડો ઘટાડો હોવા છતાં દેશના અગ્રણી ખાનગી ક્ષેત્રના નાણાકીય સેવાઓ બ્રાન્ડ્સમાંની એક છે.
રિલાયન્સ ગુ્રપ (બ્રાન્ડ વેલ્યુ ૧૧ ટકા વધીને ૧૦.૮ બિલિયન ડોલર) એ રિટેલ, ટેલિકોમ્યુનિકેશન, ડિજિટલ સેવાઓ અને ઊર્જામાં સતત વિસ્તરણને કારણે મજબૂત વૃદ્ધિ નોંધાવી છે. એસબીઆઈ ગુ્રપ (બ્રાન્ડ વેલ્યુ ૨ ટકા વધીને ૯.૮ બિલિયન ડોલર) દેશમાં બેંકિંગ ક્ષેત્રના આધારસ્તંભ તરીકે તેનું સ્થાન જાળવી રાખવાનું ચાલુ રાખે છે.