Business

તહેવારો બાદ વાયદા બજારમાં કડાકો યથાવત્, સોનું 1.30 લાખ તો ચાંદી 1.60 લાખની સપાટીથી નીચે ગબડી

By GS Team
19 Nov 20262 mins read
TukuTouch Logo
દિવાળી બાદ વાયદા બજારમાં સોના-ચાંદીના ભાવમાં મોટો કડાકો જોવા મળ્યો છે. MCX પર સોનું 1504 રૂપિયા ઘટીને 1,28,320 અને ચાંદી 1413 રૂપિયા તૂટીને 1,59,321 ના સ્તરે પહોંચી છે. યુએસ ફેડ દ્વારા ડિસેમ્બરમાં વ્યાજદરમાં વધારાની સંભાવના અને ડોલરની મજબૂતીને કારણે વૈશ્વિક બજારમાં કિંમતી ધાતુઓ પર દબાણ વધ્યું છે, જે ભાવ ઘટાડાનું મુખ્ય કારણ છે.

Summarized by AI; it may make mistakes. Check important info

તહેવારો બાદ વાયદા બજારમાં કડાકો યથાવત્, સોનું 1.30 લાખ તો ચાંદી 1.60 લાખની સપાટીથી નીચે ગબડી

Gold and Silver MCX Price Updates : દિવાળી બાદ વાયદા માર્કેટમાં મંદીનો માહોલ યથાવત રહ્યો છે અને કિંમતી ધાતુઓના ભાવમાં સતત ઘટાડો નોંધાઈ રહ્યો છે. આજના કારોબારમાં સોનામાં 1504 રૂપિયાના કડાકા સાથે ભાવ 1,30,000 ની નીચે સરકી ગયા છે, જ્યારે ચાંદીમાં 1413 રૂપિયાના ઘટાડા સાથે 1,60,000 નું મહત્ત્વનું સ્તર તૂટી ગયું છે.

આજના આંકડાઓ પર નજર કરીએ તો, સોનું તેના જૂના બંધ ભાવ 1,29,814 સામે ઘટીને 1,28,320 ના સ્તરે ખૂલ્યું હતું. સત્ર દરમિયાન સોનાએ ઉપરમાં 1,29,142 નો હાઈ અને નીચામાં 1,28,310 નો નીચલો સ્તર નોંધાવ્યો હતો. આમ, સોનામાં 1504 રૂપિયાનો મોટો ઘટાડો જોવા મળ્યો છે.

બીજી તરફ, ચાંદીમાં પણ વેચવાલીનું દબાણ જળવાઈ રહ્યું હતું. ચાંદી તેના જૂના બંધ ભાવ 1,60,734 સામે 1,60,325 ના ભાવે ખૂલી હતી અને દિવસનો ઊંચો સ્તર 1,60,333 રહ્યો હતો. ત્યારબાદ ભાવ ગગડીને નીચામાં 1,59,321 ના સ્તરે પહોંચી ગયા હતા, જેના કારણે ચાંદીમાં 1413 રૂપિયાનો કડાકો બોલી ગયો છે. સોનાની સરખામણીએ ચાંદીમાં વધુ તીવ્ર ઘટાડો જોવા મળે છે કારણ કે ચાંદીના ભાવમાં વધારે ઉતાર-ચઢાવ રહે છે અને બજારની બદલાતી ધારણાની તેના પર ઝડપી અસર પડે છે.

સોના-ચાંદીમાં કડાકાના મુખ્ય કારણો

દિવાળી બાદ સોના અને ચાંદીના ભાવ ઘટવા પાછળ અમેરિકાની આર્થિક નીતિઓમાં સંભવિત ફેરફાર સૌથી મોટું કારણ માનવામાં આવે છે. અમેરિકાની મધ્યસ્થ બેંક ફેડરલ રિઝર્વ (US Fed) આગામી મહિને એટલે કે ડિસેમ્બરમાં વ્યાજદરમાં વધારો કરી શકે તેવી આશંકા પ્રબળ બની છે. મોંઘવારીની ચિંતા વચ્ચે CME FedWatch ટૂલ મુજબ ડિસેમ્બરમાં 0.25 ટકા વ્યાજદર વધવાની શક્યતા 95.7 ટકા અને 0.50 ટકા વધારાની શક્યતા 4.3 ટકા આંકવામાં આવી રહી છે.

આ ઉપરાંત, અમેરિકન ડોલરની મજબૂતી પણ કિંમતી ધાતુઓ પર દબાણ લાવી રહી છે. આંતરરાષ્ટ્રીય બજારમાં સોના-ચાંદીના ભાવ ડોલરમાં નક્કી થાય છે અને ડોલર મજબૂત થતાં ભારત સહિતના દેશોમાં તેની ખરીદી મોંઘી પડે છે, જેનાથી માંગ પર અસર થાય છે. સાથે જ અમેરિકી સરકારી બોન્ડ પર મળતા વળતર એટલે કે બોન્ડ યીલ્ડમાં પણ વધારો થઈ રહ્યો છે. આ કારણોસર રોકાણકારો સોના-ચાંદીને બદલે બોન્ડ અને અન્ય રોકાણ વિકલ્પો તરફ વળી રહ્યા છે.