અમેરિકામાં સ્માર્ટફોન નિકાસ 200% વધીને 12.54 બિલિયન ડોલર પહોંચી

અમદાવાદ : વાણિજ્ય વિભાગના તાજેતરના ડેટા અનુસાર, એપલના નેતૃત્વમાં, ભારતની યુએસમાં સ્માર્ટફોન નિકાસ વાર્ષિક ધોરણે ૨૦૦ ટકાથી વધુ વધીને ૧૨.૫૪ બિલિયન ડોલર થઈ ગઈ છે. નાણાકીય વર્ષ ૨૫ ના સમાન સમયગાળા દરમિયાન, આ આંકડો ૪.૧ બિલિયન ડોલર હતો.

સ્માર્ટફોન નિકાસમાં આ ત્રણ ગણો ઉછાળો માત્ર ભારતની કેટલીક મુખ્ય ચીજવસ્તુઓની યુએસમાં નિકાસમાં તીવ્ર ઘટાડાને સરભર કરતો નથી, પરંતુ એકંદર નિકાસ વૃદ્ધિને ટકાવી રાખવામાં પણ મદદ કરે છે. વ્યાપક ૫૦ ટકા ટેરિફ લાદવા અને નિકાસમાં તીવ્ર ઘટાડા અંગે વ્યાપક ચિંતાઓ છતાં આ પરિણામ જોવા મવ્યું છે. 

આ સમયગાળા દરમિયાન જે ઉદ્યોગોને સૌથી વધુ નુકસાન થયું તેમાં જેમ્સ અને જ્વેલરી (નિકાસમાં વાર્ષિક ધોરણે ૪૪ ટકાનો ઘટાડો), ઓટો પાર્ટ્સ (૬.૮ ટકાનો ઘટાડો) અને પેટ્રોલિયમ ઉત્પાદનો (૭.૭૮ ટકાનો ઘટાડો)નો સમાવેશ થાય છે. આ સમયગાળા દરમિયાન યુએસમાં નિકાસ કરાયેલી ૯૮ વસ્તુઓમાંથી ૫૯ વસ્તુઓ બે-અંકના વર્ગીકરણ સ્તરે નકારાત્મક ક્ષેત્રમાં રહી.

આમ છતાં, નાણાકીય વર્ષ ૨૬ના પ્રથમ આઠ મહિનામાં ભારતની યુએસમાં કુલ નિકાસ ૧૧.૨૮ ટકા વધી. આ શક્ય બન્યું કારણ કે, જ્યારે યુએસમાં કુલ નિકાસમાં ૫.૯ બિલિયન ડોલરનો વધારો થયો હતો, ત્યારે ફક્ત સ્માર્ટફોન નિકાસમાં ૮.૩ બિલિયન ડોલરનો વધારો થયો હતો.

આનાથી માત્ર અન્ય વસ્તુઓની નિકાસમાં થયેલા ઘટાડાને સરભર કરવામાં આવ્યો ન હતો, પરંતુ એન્જિનિયરિંગ માલ અને લોખંડ અને સ્ટીલ ઉત્પાદનો દ્વારા સમર્થિત એકંદર નિકાસમાં પણ વધારો થયો હતો, જે સકારાત્મક ક્ષેત્રમાં રહ્યો હતો. અત્રે એ ઉલ્લેખનીય રહેશે કે સ્માર્ટફોન નિકાસને ઉચ્ચ યુએસ ટેરિફમાંથી મુક્તિ આપવામાં આવી છે અને તે શૂન્ય ડયુટી પર બજારમાં પ્રવેશ કરે છે.

નાણાકીય વર્ષ ૨૬માં એપ્રિલથી નવેમ્બર દરમિયાન ભારતની યુએસમાં કુલ નિકાસમાં સ્માર્ટફોનનો હિસ્સો ૨૦ ટકાથી વધુ હતો, જે નાણાકીય વર્ષ ૨૫ માં સમાન સમયગાળામાં માત્ર ૮ ટકા હતો.