ચાંદીનો ભાવ 240000ને પાર... સસ્તામાં ખરીદવી હોય તો અપનાવો 7 'સ્માર્ટ' ટ્રિક

Investment Tips: આજકાલ અનેક વિશ્વસનીય એપ્સ પર ડિજિટલ સિલ્વર હાજર છે, જ્યાં તમે 100-200 રૂપિયાથી પણ ચાંદી ખરીદી શકો છે. જેમાં તમારી ચાંદી સુરક્ષિત વૉલેટમાં સ્ટોર રહે છે અને જરૂર પડ્યે તમે તેને વેચી પણ શકો છો. એવામાં ચાલો જાણીએ તમે ડિજિટલ રૂપે ચાંદીમાં કેવી રીતે રોકાણ કરી શકો છો અને તેનું ખરીદ-વેચાણ કેવી રીતે કરવું. 

સિલ્વર ETF: શેર બજાર દ્વારા રોકાણ

જો તમારી પાસે ડીમેટ એકાઉન્ટ છે, તો સિલ્વર ETF સારો વિકલ્પ બની શકે છે. આ ચાંદીની કિંમતના હિસાબે ચાલે છે અને શેરના યુનિટની જેમ ખરીદી-વેચી શકાય છે. 

સિલ્વર મ્યુચ્યુઅલ ફન્ડ

અમુક મ્યુચ્યુઅલ ફન્ડ એવા પણ હોય છે, જે સિલ્વર ETFમાં રોકાણ કરે છે. આમાં SIP દ્વારા દર મહિને થોડા-થોડા પૈસાનું રોકાણ કરી શકો છો. આમાં એક સાથે પૈસાનું રોકાણ નથી કરવું પડતું અને સારૂ રિટર્ન પણ મળે છે. 

ઓછા વજનના ચાંદીના સિક્કા ખરીદો

જો તમે ફિઝિકલ ચાંદી પસંદ કરો છો, તો 5 ગ્રામ, 10 ગ્રામ અથવા 20 ગ્રામનો ચાંદીનો સિક્કો ખરીદવું સારૂ રહેશે. આનાથી બજેટ કન્ટ્રોલમાં રહે છે અને જરૂરિયાત સમયે સરળતાથી વેચી શકાય છે. 

ચાંદીના વાસણઃ રોકાણ અને ઉપયોગ માટે

નાની ચાંદીની ચમચી, વાટકી-ગ્લાસ પણ એક પ્રકારનું રોકાણ જ હોય છે. ખાસ કરીને તહેવાર પર તેને ખરીદવામાં આવે છે. જેનાથી ઘરમાં ઉપયોગ પણ કરી શકાય અને ભાવ વધતા તેની કિંમત પણ વધે છે. 

દાગીના કરતા રોકાણવાળી ચાંદી ખરીદો

જો રોકાણ માટે ચાંદી લઈ રહ્યા છો,તો ભારે ડિઝાઇનવાળી જ્વેલરીથી બચવું. તેમાં મેકિંગ ચાર્જ વધુ હોય છે. જેનાથી નફો ઓછો થઈ જાય છે. તેના બદલે તમે સિક્કા અથવા બિસ્કિટની ખરીદી કરી શકો છો. 

એકસાથે ન ખરીદો

જો ચાંદીના ભાવ વધુ લાગી રહ્યા છે, તો દર મહિને થોડું-થોડું ખરીદવું જ સમજદારી રહેશે. આનાથી કિંમત બેલેન્સ રહે છે અને જોખમ ઓછું થાય છે. આ રીતે પ્રાઇઝ ફ્લક્ચુએશનની અસર ઓછી થાય છે.