ફરી ઓલટાઇમ હાઇ પર પહોંચી ચાંદી, સોનાના ભાવમાં પણ ભારે ઉછાળો; જાણો લેટેસ્ટ ભાવ
Summarized by AI; it may make mistakes. Check important info
Summarized by AI; it may make mistakes. Check important info
Latest Gold-Silver Rates: ચાંદીના ભાવ શુક્રવારે (5 ડિસેમ્બર) ઑલ ટાઇમ હાઇ પર પહોંચી ગયા છે. ઇન્ડિયા બુલિયન એન્ડ જ્વેલર્સ ઍસોસિએશન (IBJA) અનુસાર, 1 કિલો ચાંદીનો ભાવ 2400 રૂપિયાથી વધીને 1,79,025 રૂપિયા થઈ ગયો છે. આ પહેલાં ચાંદીની કિંમત 1,76,625 રૂપિયા પ્રતિ કિલોગ્રામ હતી.
આ પણ વાંચોઃ RBI એ રેપો રેટ ઘટાડતાં 20 થી 30 લાખ રૂપિયાની લોન હશે તો EMIમાં થશે આટલો ફાયદો
વળી, 10 ગ્રામ સોનું 733 રૂપિયા મોંઘું થઈને 1,28,578 રૂપિયા સુધી પહોંચી ગયું છે. આ પહેલા સોનું 1,27,845 રૂપિયા હતું. 17 ઑક્ટોબરે સોનાએ 1,30,874 રૂપિયા ઑલ ટાઇમ હાઇ બનાવ્યું હતું.
અલગ-અલગ શહેરોમાં કેમ હોય છે અલગ-અલગ ભાવ?
IBJAની સોનાની કિંમતોમાં 3% GST, મેકિંગ ચાર્જ અને જ્વેલર્સ માર્જિન સામેલ નથી હોતું. તેથી અલગ-અલગ શહેરોના ભાવ અલગ-અલગ હોય છે. પંજાબ નેશનલ બૅન્ક સહિત અનેક બૅન્ક ગોલ્ડ લોન રેટ નક્કી કરવા માટે આ કિંમતોનો ઉપયોગ કરે છે.
આ વર્ષે સોનું રૂ. 52,416 અને ચાંદી રૂ. 90,003 મોંઘી થઈ
વર્ષ 2024ની શરુઆતથી અત્યાર સુધી સોના અને ચાંદીના ભાવમાં જબરદસ્ત વધારો નોંધાયો છે:
- સોનું: 31 ડિસેમ્બર 2024ના રોજ 10 ગ્રામ 24 કેરેટ સોનાનો ભાવ રૂ. 76,162 હતો, જે હવે વધીને રૂ. 1,28,578 થયો છે. એટલે કે, આ વર્ષે સોનાની કિંમતમાં રૂ. 52,416નો વધારો થયો છે.
- ચાંદી: 31 ડિસેમ્બર 2024ના રોજ 1 કિલો ચાંદીની કિંમત રૂ. 86,017 હતી, જે હવે રૂ. 1,79,025 પ્રતિ કિલો થઈ છે. એટલે કે, આ વર્ષે ચાંદીના ભાવમાં રૂ. 90,003નો વધારો થયો છે.
આ પણ વાંચોઃ RBI ની MPC બેઠકમાં મોટો નિર્ણય: 0.25% ના ઘટાડા સાથે નવો રેપો રેટ 5.25%, EMI ઘટશે!
સોનાની તેજીના 3 મુખ્ય કારણો
બજાર નિષ્ણાતોના મતે સોનાના ભાવમાં આવી રહેલી તેજી પાછળ મુખ્યત્વે ત્રણ મોટા કારણો જવાબદાર છે:
- કેન્દ્રીય બૅન્કોની ખરીદી: દુનિયાભરની મોટી બૅન્ક ડૉલર પરની નિર્ભરતા ઘટાડવા માટે સતત પોતાના ભંડારમાં સોનાનો હિસ્સો વધારી રહી છે. જેના કારણે બજારમાં સોનાની માંગ સતત બની રહે છે અને કિંમત ઉપર જાય છે.
- ક્રિપ્ટોથી સોના તરફ વળ્યું રોકાણ: ક્રિપ્ટોકરન્સીમાં થતા મોટા ઉતાર-ચઢાવ અને કડક નિયમોના ડરને કારણે રોકાણકારો સોનામાં નાણાં રોકી રહ્યા છે. સાથે જ, ભારતમાં શેરબજારમાંથી ઓછું રિટર્ન મળતાં અને લગ્નની સિઝન શરુ થવાથી સોનાની માંગ પણ વધી છે.
- લોન્ગ ટર્મ એસેટ: સોનું એક એવી એસેટ છે જે ક્યારેય સંપૂર્ણપણે નકામી થતી નથી. તે મર્યાદિત માત્રામાં છે અને મોંઘવારીના સમયમાં પોતાની કિંમત જાળવી રાખે છે, તેથી લાંબા ગાળા માટે તે ફાયદાકારક માનવામાં આવે છે.
