પાંચ વર્ષમાં 1256 IPO થકી રૂ. 6.2 લાખ કરોડ એકત્ર કરાયા

મુંબઈ : ભારતના પ્રાઈમરી માર્કેટના વિસ્તરણના સ્કેલ પર તેમણે કહ્યું હતું કે, દેશમાં ૨૦૨૦ અને ૨૦૨૫ દરમિયાન મેઈન બોર્ડ અને એસએમઈ પ્લેટફોર્મ પર લગભગ ૧૨૫૬ આઈપીઓ જોવા મળ્યા હતા, જેમાંથી લગભગ રૂ.૬.૨  લાખ કરોડ એકત્ર થયા હતા. એસોસીએશન ઓફ ઈન્વેસ્ટમેન્ટ બેંકર્સ ઓફ ઈન્ડિયા (એઆઈબીઆઈ)ના ચેરમેન અને પેન્ટોમથ કેપિટલના સીએમડી મહાવીર લુનાવતે જણાવ્યું હતું કે, ઈનિશિયલ પબ્લિક ઓફરિંગ (આઈપીઓ) માર્કેટ સાઈકલિકલ સ્વિંગથી આગળ વધી ગયું છે અને હવે માળખાકીય રીતે સ્થાનિક મૂડી, બચતનું નાણાકીયકરણ અને સતત મૂડી ખર્ચ ચક્ર દ્વારા સંચાલિત છે.

 સ્થાનિક મૂડી બજારો એક પરિવર્તન બિંદુ પર છે, જે ઝડપથી વિસ્તરતા રોકાણકારોનો આધાર અને  પ્રાઈમરી અને સેકન્ડરી માર્કેટમાં ઊંડી ભાગીદારી દ્વારા ચિહ્નિત થયેલ છે. ભારત એક એવા પરિવર્તનના તબક્કે છે, જ્યાં મૂડી બજારો મજબૂત બની રહ્યા છે અને રોકાણકારોનો બેઝ સતત વિસ્તરી રહ્યો છે.

આ સંમેલન, જેમાં નિયમનકારો, નીતિ નિર્માતાઓ, રોકાણકારો અને ઈન્વેસ્ટમેન્ટ બેંકિંગ પ્રોફેશનલો સહિત ૧૫૦૦થી વધુ પ્રતિનિધિઓ એકત્ર થયા હતા. ભારતના પ્રાઈમરી માર્કેટના વિસ્તરણના સ્કેલ પર તેમણે કહ્યું હતું કે, દેશમાં ૨૦૨૦ અને ૨૦૨૫ દરમિયાન મેઈન બોર્ડ અને એસએમઈ પ્લેટફોર્મ પર લગભગ ૧૨૫૬ આઈપીઓ જોવા મળ્યા હતા, જેમાંથી લગભગ રૂ.૬.૨  લાખ કરોડ એકત્ર થયા હતા. છેલ્લા બે વર્ષમાં પ્રાઈમરી માર્કેટ પ્રવૃતિમાં તીવ્ર વધારો થયો હતો, ૨૦૨૪માં ૩૩૧  આઈપીઓ થકી રૂ.૧.૭ લાખ કરોડ એકત્ર થયા હતા, ત્યારબાદ ૨૦૨૫માં રેકોર્ડ ૩૭૩ આઈપીઓ થકી રૂ.૧.૯ લાખ કરોડ એક્ત્ર કર્યા હતા.

૨૦૨૫ માટે વૈશ્વિક આઈપીઓ ડેટા ઈક્વિટી ઈસ્યુમાં ભારતની આગેવાની પર ભાર મૂકે છે. આઈપીઓની સંખ્યા દ્વારા ભારત વૈશ્વિક સ્તરે પ્રથમ ક્રમે છે, જે વિશ્વભરમાં લિસ્ટિંગના લગભગ પાંચમાં ભાગનો હિસ્સો ધરાવે છે, જે યુનાઈટેડ સ્ટેટ્સ,  ગ્રેટર ચાઈના અને યુરોપથી આગળ છે. આવકની દ્રષ્ટિએ, ભારત વૈશ્વિક સ્તરે ચોથા ક્રમે છે, જે કુલ વૈશ્વિક આઈપીઓ ભંડોળમાં લગભગ ૧૧ ટકા ફાળો આપે છે.

ભારતનું માર્કેટ કેપિટલાઈઝેશન ૫.૨ ટ્રિલિયન ડોલરની સપાટીને  વટાવી ગયું છે, જે તેને વિશ્વનું ચોથું સૌથી મોટું ઈક્વિટી બજાર બનાવે છે અને વૈશ્વિક આર્થિક પાવરહાઉસ તરીકે દેશના વધતા કદને પ્રતિબિંબિત કરે છે. ભવિષ્યને ધ્યાનમાં લેતાં લુનાવતે જણાવ્યું હતું કે, નાણા વર્ષ ૨૦૨૭ સુધીમાં પ્રાઈમરી માર્કેટ દ્વારા મૂડી નિર્માણ રૂ.૩.૫થી રૂ.ચાર લાખ કરોડની રેન્જમાં રહેવાની ધારણા છે.