સોનું ખરીદવાનો પ્લાન બનાવી રહ્યા છો? પહેલાં જાણી લો 20, 22 અને 24 કેરેટ સોનાનો ભાવ
Summarized by AI; it may make mistakes. Check important info
Summarized by AI; it may make mistakes. Check important info
Gold Rate Change : જો તમે સોનું કે ચાંદી ખરીદવાનું વિચારી રહ્યા છો અથવા આ કિંમતી ધાતુઓમાં રોકાણ કરવાની યોજના બનાવી રહ્યા છો, તો ખરીદી કરતાં પહેલાં બજારના તાજા ભાવ જાણી લેવા ખૂબ જરૂરી છે. છેલ્લા સપ્તાહના 5 ટ્રેડિંગ દિવસો દરમિયાન સોના અને ચાંદીના ભાવમાં મોટો ફેરફાર નોંધાયો છે. મલ્ટી કોમોડિટી એક્સચેન્જ (MCX)થી લઈને સ્થાનિક બજાર સુધી બંને કિંમતી ધાતુઓમાં વધઘટ જોવા મળી છે.
MCX પર સોનાના ભાવમાં ઉછાળો
MCX પર સોનાના ભાવમાં આ સપ્તાહ દરમિયાન નોંધપાત્ર તેજી જોવા મળી છે. અગાઉના સપ્તાહમાં ગાંધી જયંતિની રજાને કારણે ગુરુવારે છેલ્લું ટ્રેડિંગ થયું હતું, ત્યારે 4 ડિસેમ્બરની એક્સપાયરી વાળું 10 ગ્રામ 24 કેરેટ સોનું 1,50,390 રૂપિયા હતું. જ્યારે ગત શુક્રવારે આ સોનું તેજી સાથે 1,51,503 રૂપિયા પ્રતિ 10 ગ્રામ પર બંધ થયું હતું.
સ્થાનિક બજારમાં સોનું કેટલું મોંઘું થયું
સ્થાનિક બજારની વાત કરીએ તો, ઈન્ડિયન બુલિયન જ્વેલર્સ એસોસિએશન (IBJA) અનુસાર, 1 ઓક્ટોબરના રોજ 24 કેરેટ સોનાનો ભાવ 1,48,138 રૂપિયા પ્રતિ 10 ગ્રામ હતો. ગત શુક્રવારે બજાર બંધ થતાં આ ભાવ વધીને 1,49,430 રૂપિયા પ્રતિ 10 ગ્રામ પર પહોંચી ગયો હતો.
અલગ-અલગ કેરેટ પ્રમાણે સોનાના તાજા ભાવ
છેલ્લા સપ્તાહમાં 24 કેરેટ સોનાની સાથે સાથે અન્ય કેરેટના ભાવમાં પણ ફેરફાર નોંધાયો છે. સ્થાનિક બજારમાં 10 ગ્રામ 24 કેરેટ સોનાનો ભાવ 1,49,430 રૂપિયા રહ્યો છે. સામાન્ય રીતે ઘરેણાં બનાવવા માટે સૌથી વધુ વપરાતા 22 કેરેટ સોનાનો ભાવ 1,44,840 રૂપિયા પ્રતિ 10 ગ્રામ નોંધાયો છે. 20 કેરેટ સોનાનો ભાવ 1,32,990 રૂપિયા, 18 કેરેટ સોનાનો ભાવ 1,21,040 રૂપિયા, 14 કેરેટ સોનાનો ભાવ 96,380 રૂપિયા નોંધાયો છે.
MCX પર ચાંદીના ભાવની સ્થિતિ
ચાંદીના ભાવની વાત કરીએ તો MCX પર 1 ઓક્ટોબરે 4 ડિસેમ્બરની એક્સપાયરી વાળી ચાંદી 2,25,877 રૂપિયા પ્રતિ કિલોગ્રામ પર બંધ થઈ હતી. ગત શુક્રવારે તે સામાન્ય ફેરફાર સાથે 2,25,820 રૂપિયા પર બંધ થઈ હતી. આ દિવસો દરમિયાન ભાવ ભલે લગભગ સ્થિર રહ્યો હોય, પરંતુ તે જાન્યુઆરી મહિનાના તેના લાઈફ ટાઈમ હાઈ 4,20,048 રૂપિયાથી ઘણી સસ્તી મળી રહી છે. રેકોર્ડ હાઈ સ્તરથી ચાંદી હાલ 1,94,228 રૂપિયા પ્રતિ કિલો સસ્તી છે.
સ્થાનિક બજારમાં ચાંદીનો ભાવ અને અન્ય ચાર્જ
સ્થાનિક બજારમાં પણ ચાંદીના ભાવમાં હિલચાલ જોવા મળી છે. IBJA અનુસાર 1 ઓક્ટોબરે ચાંદી 2,20,829 રૂપિયા પ્રતિ કિલોગ્રામ પર બંધ થઈ હતી, જે ગત શુક્રવારે વધીને 2,21,109 રૂપિયા પર બંધ થઈ હતી. ગ્રાહકોએ એ બાબત ખાસ ધ્યાનમાં રાખવી કે સ્થાનિક બજારમાં સોના-ચાંદીના ઘરેણાંની ખરીદી પર 3 ટકા GST અને મેકિંગ ચાર્જ અલગથી ચૂકવવાનો રહે છે, જેના કારણે આભૂષણોની અંતિમ કિંમતમાં વધારો થાય છે.
