નવી ઓક્શન પ્રણાલી હેઠળ ઓપ્શન્સ ટ્રેડિંગમાં ૨૭%નો ઘટાડો

૪ અને ૧૧ ઓગસ્ટની એક્સપાયરી માટે ટ્રેડેડ વોલ્યુમ ૨૬૮ મિલિયન કોન્ટ્રેક્ટ્સ, જે જુલાઈ એક્સપાયરી દરમિયાન ૩૬૯ મિલિયન કોન્ટ્રેક્ટ્સ
અમદાવાદ : ભારતમાં ઇન્ડેક્સ-ઓપ્શન્સ ટ્રેડિંગના વોલ્યુમમાં નવી ક્લોઝિંગ ઓક્શન મિકેનિઝમના પ્રથમ સપ્તાહમાં જ મોટો ઘટાડો નોંધાયો છે, કારણ કે ટ્રેડર્સ દેશના છેલ્લા કેટલાક વર્ષોના સૌથી મોટા માર્કેટ-સ્ટ્રક્ચર સુધારાઓમાંથી એક સાથે અનુકૂળ થવાનો પ્રયાસ કરી રહ્યા છે.
ડેટા અનુસાર, ૪ ઓગસ્ટ અને ૧૧ ઓગસ્ટની એક્સપાયરી માટે સરેરાશ ટ્રેડેડ વોલ્યુમ ૨૭% ઘટીને ૨૬૮ મિલિયન કોન્ટ્રેક્ટ્સ પર આવી ગયું છે, જે જુલાઈ મહિનામાં સાપ્તાહિક એક્સપાયરી દરમિયાન સરેરાશ લગભગ ૩૬૯ મિલિયન કોન્ટ્રેક્ટ્સ હતું.
આ ઘટાડો દર્શાવે છે કે નવી ભાવ-નક્કી કરવાની સિસ્ટમ ટ્રેડર્સને કેવી રીતે અસર કરી રહી છે, ખાસ કરીને ડેરિવેટિવ્ઝ એક્સપાયરીના દિવસે, જે બજારના સૌથી વ્યસ્ત દિવસોમાંથી એક ગણાય છે. ઓક્શનના પ્રથમ થોડા દિવસો દરમિયાન ભાવમાં તીવ્ર ઉતાર-ચઢાવ જોવા મળ્યો હતો, જેના કારણે અપેક્ષિત ભાવે ખરીદી અને વેચાણ કરવું મુશ્કેલ બનતા કેટલાક ટ્રેડર્સે પીછેહઠ કરી છે અથવા તેમની ટ્રેડિંગ શૈલી બદલી છે. જોકે ત્યારથી આ ઉતાર-ચઢાવ થોડા હળવા થયા છે, પરંતુ ટ્રેડર્સ હજુ પણ આ ફેરફાર સાથે કેવી રીતે સેટ થવું તે સમજી રહ્યા છે.
ઘણી પ્રોપ્રાયટરી ટ્રેડિંગ ફર્મ્સ અને હાઇ-ફ્રીક્વન્સી ટ્રેડર્સ (જેઓ એક્સપાયરીના દિવસે બજારને લિક્વિડિટી/તરલતા પૂરી પાડે છે) કાં તો નવી ઓક્શન પ્રક્રિયાથી દૂર રહ્યા હતા અથવા શરૂઆતના દિવસોમાં તેમની પ્રવૃત્તિ ઘટાડી દીધી હતી. લિક્વિડિટી ઓછી હોવાના કારણે ઇક્વિલિબ્રિયમ પ્રાઇસ (સંતુલન કિંમત)માં ઘણો મોટો ફેરફાર થયો હતો, જે ૩ ઓગસ્ટે આ સિસ્ટમ અમલમાં આવી તે પહેલાં ટ્રેડર્સ સામાન્ય રીતે જોતા હતા તેના કરતાં ઘણો વધારે હતો.
આ વિક્ષેપ એવા સમયે આવ્યો છે જ્યારે ભારતના ડેરિવેટિવ્ઝ માર્કેટની પ્રવૃત્તિઓ પહેલાથી જ ધીમી પડી રહી છે. સેન્ટ્રલ બેંકે પ્રોપ્રાયટરી ટ્રેડર્સ અને સ્ટોક બ્રોકર્સ માટે ફંડિંગના નિયમો સખત કર્યા પછી જુલાઈમાં નોશનલ વોલ્યુમ ૧૭ મહિનાના નીચલા સ્તરે પહોંચી ગયું હતું. આ પગલું અતિશય સટ્ટાખોરીને અંકુશમાં લેવાના હેતુથી લેવાયેલા નિયમનકારી પગલાંઓની શ્રેણીનો એક ભાગ છે.