AI ઈન્ફ્રાસ્ટ્રક્ચરની તેજી વચ્ચે ઓપ્ટિકલ ફાઈબરની નિકાસમાં ૧૫૮%નો ઉછાળો

ભારતના ઓપ્ટિકલ ફાઈબરની નિકાસમાં અડધાથી વધુ હિસ્સો અમેરિકાનો, બીજા ક્રમે ચીન ત્યારબાદ પોલેન્ડ અને વિયેતનામ
અમદાવાદ : ભારતના ઓપ્ટિકલ ફાઈબર અને અન્ય ડિજિટલ ઈન્ફ્રાસ્ટ્રક્ચર ઘટકોના ઉત્પાદકો વૈશ્વિક આર્ટિફિશિયલ ઈન્ટેલિજન્સ (એઆઈ) રોકાણ તેજીના લાભાર્થી તરીકે ઊભરી રહ્યા છે, જેમાં નાણાકીય વર્ષ ૨૦૨૬-૨૭ના એપ્રિલ-ઓગસ્ટ દરમિયાન ઓપ્ટિકલ ફાઈબર, ફાઈબર બંડલ્સ અને કેબલ્સની નિકાસ વાર્ષિક ધોરણે ૧૫૮% વધીને ૪૮૩ મિલિયન ડોલર થઈ છે. વિવિધ દેશો ડેટા સેન્ટર્સ સ્થાપવા અને ડિજિટલ કનેક્ટિવિટી મજબૂત કરવાની દોડમાં આગળ વધી રહ્યા હોવાથી ડિજિટલ સાધનો માટેનું નિકાસ બજાર ખૂબ જ ઝડપી ગતિએ વિસ્તરી રહ્યું છે.
ભારતના ઓપ્ટિકલ ફાઈબરની નિકાસમાં અડધાથી વધુ હિસ્સો અમેરિકાનો, બીજા ક્રમે ચીન ત્યારબાદ પોલેન્ડ અને વિયેતનામ
આ સામાનની નિકાસમાં થયેલો તીવ્ર વાૃધારો દર્શાવે છે કે કેવી રીતે એઆઈ ઈન્ફ્રાસ્ટ્રક્ચરનું ઝડપી વિસ્તરણ ડિજિટલ આૃર્થતંત્રને આાૃધાર આપતા આવશ્યક ઘટકો પૂરા પાડતા ભારતીય ઔદ્યોગિક ક્ષેત્રો માટે નવી તકો ઊભી કરી રહ્યું છે. જ્યારે સેમિકન્ડક્ટર્સ અને સર્વર્સ ઘણું ધ્યાન આકર્ષિત કર્યું છે, ત્યારે ડેટા સેન્ટર્સને જોડવા, વિશાળ માત્રામાં ડેટા ટ્રાન્સમિટ કરવા અને હાઈ-સ્પીડ કોમ્યુનિકેશનને ટેકો આપવા માટે જરૂરી ઓપ્ટિકલ ફાઈબર કેબલ્સની માંગ પણ વધી રહી છે.
વાણિજ્ય અને ઉદ્યોગ મંત્રાલયના ડેટા અનુસાર, પાંચ મહિનાના આ સમયગાળા દરમિયાન ભારતના ઓપ્ટિકલ ફાઈબરની નિકાસમાં અડાૃધાથી વાૃધુ હિસ્સો અમેરિકાનો રહ્યો હતો, જેણે ૨૬૬.૭ મિલિયન ડોલરની કિંમતના ઉત્પાદનોની આયાત કરી હતી.
૫૨.૪ મિલિયન ડોલર સાથે ચીન બીજા ક્રમનું સૌથી મોટું સ્થળ હતું, ત્યારબાદ પોલેન્ડ ૨૨.૮ મિલિયન ડોલર અને વિયેતનામ ૨૨.૬ મિલિયન ડોલર સાથે અનુક્રમે સ્થાન ધરાવતા હતા. જાપાન, કેનેડા અને ઇટાલી અન્ય મહત્ત્વપૂર્ણ બજારો હતા, જ્યારે યુકે, જર્મની, બ્રાઝિલ, મોરોક્કો, મલેશિયા, યુએઈ અને મેક્સિકો સુધી માલ મોકલવામાં આવ્યો હતો.
મંત્રાલયે જણાવ્યું હતું કે એઆઈ સંબંિાૃધત મજબૂત માંગ ભારતને વૈશ્વિક કોમ્યુનિકેશન વેલ્યુ ચેઇનમાં એક મહત્ત્વપૂર્ણ સપ્લાયર તરીકે સ્થાન આપી રહી છે. પશ્ચિમ એશિયા સંઘર્ષને કારણે સર્જાયેલા વિક્ષેપ છતાં નિકાસમાં આવેલો આ ઉછાળો એઆઈ સંચાલિત રોકાણ ચક્રના આાૃધારે આવ્યો છે, જે વૈશ્વિક વેપારને ટકાવી રાખવામાં મદદ કરી રહ્યો છે.