Business

નાણાકીય વર્ષ 2026માં લોન વૃદ્ધિ દર અને ડિપોઝિટ વૃદ્ધિ દર જળવાઈ રહેશે

By GS Team
1 Jul 20252 mins read
This article was originally published on 1 Jul 2025
નાણાકીય વર્ષ 2026માં લોન વૃદ્ધિ દર અને ડિપોઝિટ વૃદ્ધિ દર જળવાઈ રહેશે

અમદાવાદ : ભારતીય રિઝર્વ બેંકે ફેબુ્રઆરી અને જૂન વચ્ચે પોલિસી રેપો રેટમાં ૧૦૦ બેસિસ પોઇન્ટનો ઘટાડો કર્યો હોવા છતાં, બેંકોએ ચાલુ નાણાકીય વર્ષ ૨૦૨૬ દરમિયાન લોન વૃદ્ધિ દર ૧૧ થી ૧૩ ટકા અને ડિપોઝિટ વૃદ્ધિ દર ૯ થી ૧૦ ટકા જાળવી રાખ્યો છે, જે પાછલા નાણાકીય વર્ષ જેટલો જ છે.

બેંકો હાલમાં કેશ રિઝર્વ રેશિયો (સીઆરઆર) ઘટાડવાની રાહ જોઈ રહી છે, જે ૬ સપ્ટેમ્બરથી તબક્કાવાર થવાનો છે. ઉપરાંત, તહેવારોની મોસમ દરમિયાન લોનની માંગની પણ રાહ જોવાઈ રહી છે. આ જોયા પછી જ, લોન વૃદ્ધિ દરના અંદાજમાં વધારો ધ્યાનમાં લેવામાં આવશે. 

સુત્રોએ જણાવ્યું હતું કે વૃદ્ધિ આગાહી યથાવત રાખવામાં આવી રહી છે, ખાસ કરીને પ્રથમ ત્રિમાસિક ગાળા દરમિયાન ઓછી લોન માંગ અને રિટેલ ડિપોઝિટ આકર્ષવામાં પડકારોને ધ્યાનમાં રાખીને. અધિકારીઓનું કહેવું છે કે તહેવારોની મોસમ અને સપ્ટેમ્બરમાં સીઆરઆર ઘટાડો શરૂ થયા પછી લોનની માંગમાં ૧ થી ૨ બેસિસ પોઇન્ટનો નજીવો વધારો થઈ શકે છે.

બજારની સ્થિતિ અનિશ્ચિત રહે છે, જેના કારણે લોન અને ડિપોઝિટ વૃદ્ધિના માર્ગદર્શનમાં કોઈ ફેરફાર થયો નથી. બેંકો મૂલ્યાંકન કરશે કે સીઆરઆર કાપ રોકડ પર કેટલો અસર કરી રહ્યો છે. પ્રથમ ક્વાર્ટરમાં લોનની માંગ ધીમી રહેવાની ધારણા છે. સપ્ટેમ્બરમાં તહેવારોની મોસમ શરૂ થયા પછી અને સીઆરઆર ઘટાડો શરૂ થયા પછી લોનની માંગમાં ૧ થી ૨ બેસિસ પોઇન્ટનો નજીવો વધારો થઈ શકે છે.

તહેવારોની મોસમ શરૂ થવાને કારણે અને નવેમ્બર વચ્ચે ૪ તબક્કામાં સીઆરઆરમાં ૨૫ બેસિસ પોઈન્ટનો ઘટાડો થવાનો છે. સ્ટેટ બેંકના અહેવાલ મુજબ, સીઆરઆરમાં ઘટાડો ધિરાણ માટે સંસાધનો લાવશે અને તેનાથી લોનમાં ૧.૪ થી ૧.૫ ટકાનો વધારો થઈ શકે છે અને તેનાથી એકંદર પ્રવાહિતામાં વધારો થશે.

જો કે વૈશ્વિક ભૂરાજકીય વિવાદો અને યુએસ ટેરિફ પર અનિશ્ચિતતા જેવા વ્યાપક મેક્રોઇકોનોમિક વિક્ષેપો ખાનગી મૂડી ખર્ચ પર પ્રતિકૂળ અસર કરતા રહેવાની શક્યતા છે અને જથ્થાબંધ ધિરાણ માંગ પર ભાર મૂકે છે.