સોનામાં એકઝાટકે 5% તો ચાંદીમાં 6%નો કડાકો, રોકાણકારોને મોટું નુકસાન, જાણો લેટેસ્ટ રેટ

Silver abd Gold Price Crash News : વૈશ્વિક બજારમાં ચાલી રહેલી ભારે ઉથલપાથલની સીધી અસર ભારતીય કોમોડિટી માર્કેટ પર જોવા મળી રહી છે. આજે સોમવારે વાયદા બજાર ખુલતાં સોના અને ચાંદીના ભાવમાં અણધાર્યો અને મોટો ઘટાડો નોંધાયો છે, જેના કારણે બજારમાં ફાળકો પડ્યો છે. ખાસ કરીને મિડલ ઈસ્ટના તણાવ વચ્ચે આર્થિક અનિશ્ચિતતાને કારણે કિંમતોમાં આ મોટો ફેરફાર જોવા મળી રહ્યો છે.

સોનાના ભાવમાં 5% સુધીનો ઘટાડો

MCX માર્કેટના ડેટા મુજબ, સોનાના ભાવમાં આજે મોટો ઘટાડો જોવા મળ્યો છે. સોનાનો અગાઉનો બંધ ભાવ 144492.00 હતો, જેની સામે આજે બજાર 140158.00 પર ખૂલ્યું હતું. ટ્રેડિંગ દરમિયાન સોનું નીચામાં 137130.00 સુધી પહોંચી ગયું હતું. હાલમાં સોનું આશરે -4.96% ના ઘટાડા સાથે 137320.00 પર ટ્રેડ થઈ રહ્યું છે, જે દર્શાવે છે કે પ્રતિ 10 ગ્રામ (કે તે મુજબના લોટ) પર -7172.00 રૂપિયાનો જંગી ઘટાડો થયો છે.

ચાંદીમાં 13,000 રૂપિયાથી વધુનો કડાકો

ચાંદીની સ્થિતિ સોના કરતા પણ વધુ ખરાબ જોવા મળી રહી છે. ચાંદીમાં આજે સીધો -6.00% નો ઘટાડો જોવા મળ્યો છે. ચાંદીનો અગાઉનો બંધ ભાવ 226772.00 હતો, જે આજે ઘટીને 217702.00 પર ઓપન થઈ હતી. બજારમાં વેચવાલી વધતા ચાંદી નીચામાં 213166.00 સુધી ગબડી ગઈ હતી. આમ, ચાંદીના ભાવમાં એક જ દિવસમાં -13606.00 રૂપિયાનો પ્રચંડ કડાકો બોલાઈ ગયો છે.

કડાકાનું કારણ શું? 

નિષ્ણાંતોના મતે, આંતરરાષ્ટ્રીય સ્તરે ડોલરની મજબૂતી અને યુદ્ધની સ્થિતિ વચ્ચે પ્રોફિટ બુકિંગને કારણે કિંમતોમાં આ તીવ્ર ઘટાડો જોવા મળી રહ્યો છે. સામાન્ય ગ્રાહકો માટે આ ખરીદીની તક હોઈ શકે છે, પરંતુ રોકાણકારો માટે આ આંચકા સમાન સમાચાર છે.