વિશ્લેષકોએ નિફ્ટી EPS વૃદ્ધિનો અંદાજ 10% થી ઘટાડીને 2.5% કર્યો

અમદાવાદ : નાણાકીય વર્ષ ૨૦૨૫ ના બીજા ત્રિમાસિક ગાળામાં (જુલાઈ-સપ્ટેમ્બર) કંપનીઓની કમાણી અપેક્ષા મુજબ ન હોવાથી વિશ્લેષકો હવે નિફ્ટી ૫૦ કંપનીઓની આવક વૃદ્ધિના અંદાજમાં ઘટાડો કરી રહ્યા છે. વિશ્લેષકોની સર્વસંમતિએ નિફ્ટી માટે શેરદીઠ કમાણી (ઈપીએસ) વૃદ્ધિ ૧૦ ટકાથી ઘટાડીને ૨.૫ ટકા કરી છે.

વિશ્લેષકો અપેક્ષા રાખે છે કે નિફ્ટી ૫૦ કંપનીઓ નાણાકીય વર્ષ ૨૦૨૫નો અંત રૂ. ૧,૦૦૦ના ઈપીએસ  સાથે કરશે જે નાણાકીય વર્ષ ૨૦૨૪માં રૂ. ૯૭૭ હતો. એક મહિના પહેલા, નાણાકીય વર્ષ ૨૦૨૫ માટે ઈપીએસ અંદાજ આશરે રૂ. ૧,૧૦૦ હતો.

સપ્ટેમ્બર ક્વાર્ટરના પરિણામો પહેલા નાણાકીય વર્ષ ૨૦૨૬ માટે શેર દીઠ કમાણીનો અંદાજ રૂ. ૧,૨૪૪ હતો, જે હવે ઘટાડીને રૂ. ૧,૧૪૩ કરવામાં આવ્યો છે.

 વિવિધ બ્રોકરેજના અંદાજો થોડો બદલાઈ શકે છે. અત્યાર સુધીમાં ૨૭ નિફ્ટી કંપનીઓએ તેમના પરિણામો જાહેર કર્યા છે, જેમાંથી ૧૪ કંપનીઓની આવક અને નફો અંદાજ મુજબ નથી.

નાણાકીય વર્ષ ૨૦૨૫ના બીજા ત્રિમાસિક ગાળાના પરિણામો અપેક્ષા કરતાં ઓછા હતા અને વપરાશમાં કંપની મેનેજમેન્ટના નિવેદનોમાં નરમાઈ દર્શાવે છે આને ધ્યાનમાં રાખીને, નિફ્ટી ૫૦ ઈન્ડેક્સમાં સમાવિષ્ટ શેરોના કમાણીના અંદાજમાં ઘટાડો કરવામાં આવ્યો છે. 

આને ધ્યાનમાં રાખીને, વિશ્લેષકો હાલમાં નાણાકીય વર્ષ ૨૦૨૫માં નિફ્ટી ૫૦ ઇન્ડેક્સ કંપનીઓના નફામાં ૫ ટકા અને નાણાકીય વર્ષ ૨૦૨૬માં ૧૭ ટકા વૃદ્ધિની અપેક્ષા રાખીએ છીએ. કંપનીઓના નબળા પરિણામોની અસર પણ બજારમાં જોવા મળી રહી છે. આનાથી ધીમે ધીમે વેલ્યુએશન પણ બદલાશે.

નિફ્ટી ૫૦ ઇન્ડેક્સ આ મહિને ૫ ટકાથી વધુ ઘટયો છે. ઇન્ડેક્સમાંના શેરો આના કરતાં વધુ કે ઓછા ઘટયા છે છેલ્લા બે ત્રિમાસિક ગાળામાં યુટિલિટી, ઈન્ડસ્ટ્રીયલ, ફાર્મા અને ટેલિકોમ કંપનીઓના ઈપીએસમાં વધારો થયો હતો, જ્યારે ઓટો, એફએમસીજી અને આઈટી સેક્ટરની કંપનીઓના કમાણીના અંદાજમાં ઘટાડો કરવામાં આવ્યો હતો.