રોજના ₹90નું ઈન્વેસ્ટમેન્ટ અને દર વર્ષે ₹80,000ની ગેરન્ટેડ કમાણી, LICની દમદાર સ્કીમના અઢળક ફાયદા

LIC Jeevan Umang Policy: જો તમે સુરક્ષિત રોકાણની સાથે સાથે આજીવન નિયમિત આવક (Pension Plan) મેળવવાનો વિકલ્પ શોધી રહ્યા છો, તો ભારતીય જીવન વીમા નિગમ (LIC)ની 'જીવન ઉમંગ' (Plan No. 945) પોલિસી તમારા માટે એક ઉત્તમ વિકલ્પ સાબિત થઈ શકે છે. આ યોજનામાં રોજની માત્ર ₹90 જેટલી નાની બચત કરીને તમે તમારા ભવિષ્યને આર્થિક રીતે સુરક્ષિત કરી શકો છો.

શું છે LICની 'જીવન ઉમંગ' પોલિસી?

LICની જીવન ઉમંગ એક નોન-લિંક્ડ, વિથ-પ્રોફિટ, હોલ લાઈફ એશ્યોરન્સ પ્લાન છે. આ યોજનાની સૌથી મોટી ખાસિયત એ છે કે તે પોલિસીધારકને 100 વર્ષની વય સુધી જીવન વીમાનું કવર આપે છે અને પ્રીમિયમ ચુકવણીનો સમયગાળો પૂર્ણ થયા બાદ આજીવન ગેરન્ટેડ વાર્ષિક આવક (Survival Benefit) પૂરી પાડે છે.

દૈનિક ₹90ના રોકાણ પર ₹80,000ની કમાણીની ગણતરી

26 વર્ષની ઉંમરે દરરોજ માત્ર ₹90 જેટલી નાની બચત કરીને ₹10 લાખનું સિક્યોર્ડ કવર મેળવી શકાય છે. આ યોજના હેઠળ 30 વર્ષના પ્રીમિયમ ચુકવણી સમયગાળા (PPT) સાથે ₹10,00,000ની વીમા રકમ (Basic Sum Assured) પ્રાપ્ત થાય છે, જેના માટે ટેક્સ સહિત વાર્ષિક આશરે ₹32,800થી ₹33,000 જેટલું પ્રીમિયમ ચુકવવાનું રહે છે.

મળવાપાત્ર લાભો

પોલિસી હેઠળ 30 વર્ષ સુધી પ્રીમિયમ ચુકવ્યા બાદ, એટલે કે 56 વર્ષની ઉંમરથી, LIC પોલિસીધારકને આજીવન વાર્ષિક આવક (Survival Benefit) તરીકે મૂળ વીમા રકમના 8% રકમ દર વર્ષે ગેરન્ટેડ ચૂકવે છે. આ ગણતરી મુજબ ₹10 લાખની વીમા રકમ પર દર વર્ષે ₹80,000નો સીધો લાભ મળે છે. આ ₹80,000ની વાર્ષિક રકમ પોલિસીધારકને તેમની હયાતી સુધી એટલે કે 100 વર્ષની ઉંમર સુધી સતત મળતી રહે છે.

100 વર્ષ પૂર્ણ થવા પર 'મેચ્યોરિટી બોનસ'

જો પોલિસીધારક 100 વર્ષની વય પૂર્ણ કરે છે, તો તેમને મૂળ વીમા રકમના ₹10,00,000ની સાથે સિમ્પલ રિવર્ઝનરી બોનસ અને ફાઇનલ એડિશનલ બોનસ ઉમેરીને એકસાથે મોટી મેચ્યોરિટી રકમ તરીકે ચૂકવવામાં આવે છે.

યોજના માટેની પાત્રતા

આ પોલિસી માટેની લઘુત્તમ વયમર્યાદા 90 દિવસના બાળકથી લઈને મહત્તમ 55 વર્ષ સુધીની રાખવામાં આવી છે, જે પસંદ કરેલા પ્રીમિયમ ચુકવણીના સમયગાળા પર આધારિત રહે છે. ગ્રાહકો પોતાની અનુકૂળતા મુજબ 15, 20, 25 કે 30 વર્ષ માટે પ્રીમિયમ ચુકવણીનો સમયગાળો પસંદ કરી શકે છે. આ પ્લાન હેઠળ ન્યૂનતમ સમ એશ્યોર્ડ ₹2,00,000 નક્કી કરવામાં આવ્યું છે, જ્યારે મહત્તમ વીમા રકમ માટે કોઈ મર્યાદા રાખવામાં આવી નથી.

પોલિસીના અન્ય મહત્ત્વના ફાયદા

• ટેક્સ લાભ: આવકવેરા કલમ 80C હેઠળ વાર્ષિક રૂ. 1.5 લાખ સુધીના પ્રીમિયમ પર કર મુક્તિ.
• કલમ 10(10D) હેઠળ મેળવેલ મેચ્યોરિટી અને વાર્ષિક રકમ સંપૂર્ણપણે ટેક્સ ફ્રી છે.
• ડેથ બેનિફિટ : જો પ્રીમિયમ સમયગાળા દરમિયાન અથવા તે પછી પોલિસીધારકનું આકસ્મિક નિધન થાય છે, તો નોમિનીને સમ એશ્યોર્ડ + એકત્રિત થયેલ બોનસ એકસાથે આપવામાં આવે છે.

રાઇડર્સ અને લોન સુવિધા

આ પ્લાનમાં Accidental Death & Disability Benefit Rider, Term Assurance Rider જેવા વધારાના કવરેજ પણ ઉમેરી શકાય છે. તેમજ પોલિસીના 2 વર્ષ પૂર્ણ થયા બાદ આના પર લોન પણ મેળવી શકાય છે.