મુહૂર્ત ટ્રેડિંગમાં 9 વર્ષનો રેકોર્ડ તૂટ્યો: સેન્સેક્સ-નિફ્ટી લાલ નિશાને બંધ, રોકાણકારો ચોંકી ગયા!

Diwali Muhurat Trading 2026 : દિવાળી મુહૂર્ત ટ્રેડિંગ 2026 પૂર્ણ થઈ ગયું છે. ખાસ વાત એ છે કે વર્ષ 2017 પછી પહેલીવાર મુહૂર્ત ટ્રેડિંગના દિવસે શેરબજાર ઘટાડા સાથે બંધ થયું છે. જ્યાં સેન્સેક્સમાં આશરે 29 પોઈન્ટનો ઘટાડો જોવા મળ્યો, તો બીજી તરફ નિફ્ટી આશરે 44 પોઈન્ટના ઘટાડા સાથે બંધ રહ્યો અને 25 હજાર પોઈન્ટથી નીચે આવી ગયો. એસબીઆઈ લાઈફ, ઈન્ડિગો અને એરટેલના શેરોમાં 1 ટકાથી વધુનો ઘટાડો નોંધાયો હતો, જ્યારે બીજી બાજુ સન ફાર્માના શેરમાં આશરે 3 ટકાનો વધારો જોવા મળ્યો હતો.

સેન્સેક્સ : મુહૂર્ત ટ્રેડિંગમાં 9 વર્ષનો રેકોર્ડ તૂટ્યો

દિવાળી મુહૂર્ત ટ્રેડિંગના દિવસે 9 વર્ષ પછી પહેલીવાર એવું બન્યું જ્યારે સેન્સેક્સ અને નિફ્ટી ઘટાડા સાથે બંધ થયા છે. બોમ્બે સ્ટોક એક્સચેન્જનો મુખ્ય સૂચકાંક સેન્સેક્સ આશરે 29 પોઈન્ટ એટલે કે 0.04 ટકાના ઘટાડા સાથે 80,999.40 પોઈન્ટ પર બંધ રહ્યો હતો. જોકે, કારોબારી સત્ર દરમિયાન સેન્સેક્સ 414 પોઈન્ટની તેજી સાથે 81,442.11 પોઈન્ટ પર પહોંચી ગયો હતો. સેન્સેક્સ તેજી સાથે 81,299.34 પોઈન્ટ પર ખુલ્યો હતો અને કારોબારી સત્ર દરમિયાન ટ્રેડિંગમાં 80,932.42 પોઈન્ટના નીચલા સ્તરે પણ પહોંચી ગયો હતો.

આ ટોચની કંપનીઓના શેરોના ભાવ વધ્યા

• SUNPHARMA: 1915.10 (+2.96%)
• TATASTEEL: 189.50 (+1.88%)
• MARUTI: 12837.00 (+0.79%)
• POWERGRID: 261.50 (+0.77%)
• ADANIPORTS: 1950.50 (+0.72%)
• BEL: 397.70 (+0.56%)
• ULTRACEMCO: 12510.00 (+0.52%)
• ETERNAL: 364.85 (+0.51%)
• RELIANCE: 1323.00 (+0.37%)
• HCLTECH: 1443.00 (+0.31%)
• HINDUNILVR: 2000.50 (+0.28%)
• TECHM: 1832.00 (+0.11%)
• NTPC: 323.25 (+0.08%)
• ITC: 283.20 (+0.07%)

આ ટોચની કંપનીઓના શેરોના ભાવ ઘટ્યા

• BAJFINANCE: 1084.90 (-0.01%)
• TCS: 2495.10 (-0.12%)
• SBIN: 1016.70 (-0.13%)
• ICICIBANK: 1566.00 (-0.19%)
• ASIANPAINT: 2534.95 (-0.28%)
• LT: 4105.00 (-0.34%)
• HDFCBANK: 784.20 (-0.36%)
• BAJAJFINSV: 1853.00 (-0.38%)
• AXISBANK: 1314.00 (-0.45%)
• BHARTIARTL: 2083.25 (-0.62%)
• INFY: 1172.00 (-0.73%)
• TRENT: 3050.10 (-0.81%)
• INDIGO: 5412.05 (-0.88%)
• M&M: 3264.70 (-0.92%)

નિફ્ટી પણ લાલ નિશાન પર બંધ

બીજી તરફ નેશનલ સ્ટોક એક્સચેન્જનો મુખ્ય સૂચકાંક નિફ્ટી પણ લાલ નિશાન પર બંધ થયો હતો. આંકડાઓ પર નજર કરીએ તો નિફ્ટી 43.95 પોઈન્ટ એટલે કે 0.18 ટકાના ઘટાડા સાથે 24,986.40 પોઈન્ટ પર બંધ રહ્યો હતો. કારોબારી સત્ર દરમિયાન નિફ્ટી 24,985.30 પોઈન્ટ સાથે દિવસના નીચલા સ્તરે પહોંચી ગયો હતો. જોકે, નિફ્ટી આશરે 100 પોઈન્ટની તેજી સાથે 25,131.85 પોઈન્ટની ઊંચાઈ પર પહોંચ્યો હતો. નિફ્ટી 25,070.45 પોઈન્ટ પર ખુલ્યો હતો. નિષ્ણાતોનું માનીએ તો આગામી દિવસોમાં શેરબજારમાં ઉતાર-ચઢાવ જોવા મળી શકે છે.

9 વર્ષ પછી ઘટાડો નોંધાયો

મુહૂર્ત ટ્રેડિંગના દિવસે આશરે 9 વર્ષ પછી ઘટાડો જોવા મળ્યો છે. છેલ્લી વખત વર્ષ 2017ના મુહૂર્ત ટ્રેડિંગના દિવસે ઘટાડો જોવા મળ્યો હતો. આંકડાઓ પર નજર કરીએ તો વર્ષ 2017માં નિફ્ટીમાં 0.63 ટકાનો ઘટાડો નોંધાયો હતો, જે ઘણો મોટો હતો. ત્યારથી અત્યાર સુધી આવું ક્યારેય જોવા મળ્યું નહોતું. આ વખતે શેરબજારની શરૂઆત પણ સારી થઈ હતી અને એવું લાગતું હતું કે સેન્સેક્સ અને નિફ્ટી એક ટકા સુધીની તેજી દર્શાવશે, પરંતુ એવું થયું નહીં.

કયા-કયા શેરોમાં ઘટાડો નોંધાયો

બોમ્બે સ્ટોક એક્સચેન્જ પર મહિન્દ્રા એન્ડ મહિન્દ્રા, ઈન્ડિગો, ટ્રેન્ટ, ઈન્ફોસિસ, ભારતી એરટેલ, એક્સિસ બેન્ક, બજાજ ફાઈનાન્સ અને એચડીએફસી બેન્કના શેરોમાં ઘટાડો જોવા મળ્યો હતો. આ સિવાય એસબીઆઈ, આઈસીઆઈસીઆઈ બેન્ક અને ટીસીએસના શેર પણ લાલ નિશાન પર બંધ થયા હતા. બીજી તરફ નેશનલ સ્ટોક એક્સચેન્જ પર એસબીઆઈ લાઈફ, ઈન્ડિગો અને ભારતી એરટેલના શેરોમાં 1 ટકાથી વધુનો ઘટાડો નોંધાયો છે, જ્યારે મેક્સ હેલ્થ ઈન્ફોસિસના શેર પણ લાલ નિશાન પર જોવા મળ્યા હતા.