પાલિતાણા અને સીટી-૧ ડિવિઝનમાં રૃા.૪૦ લાખની વીજચોરી પકડાઈ

બન્ને ડિવિઝનના ૬ સબ ડિવિઝનના ૪૬ ટીમનું ચેકિંગ, ૯૨ કનેક્શનોમાં ગેરરીતિ પકડાઈ

ભાવનગર -  પીજીવીસીએલ દ્વારા આજે સતત બીજા દિવસે વીજચેકિંગ ડ્રાઈવ હાથ ધરવામાં આવી છે. જેમાં પાલિતાણા અને સીટી-૧ ડિવિઝનમાં રૃા.૪૦.૬૦ લાખની વીજચોરી પકડાઈ છે.

પીજીવીસીએલ દ્વારા ગતરોજ મહુવા ડિવિઝનમાં વીજચેકિંગ ડ્રાઈવ હાથ ધરવામાં આવી હતી. જે બાદ આજે પાલિતાણા અને સીટી-૧ ડિવિઝનમાં વીજચેકિંગ હાથ ધરવામાં આવ્યું હતું. વીજતંત્રની ૪૬ ટીમે તળાજા-૧, ૨, ત્રાપજ, પિથલપુર, પાલિતાણા ગ્રામ્ય અને પાવર હાઉસ સબ ડિવિઝનમાં ૩૦૪ રહેણાંકી અને ૨૧ વાણિજ્ય મળી કુલ ૩૨૫ કનેક્શનો તપાસવામાં આવ્યા છે. જેમાંથી ૮૬ રહેણાંકી અને ૬ વાણિજ્ય મળી કુલ ૯૨ કનેક્શનોમાં રૃા.૪૦.૬૦ લાખની વીજચોરી પકડાતા પીજીવીસીએલ દ્વારા દંડાત્મક કાર્યવાહી કરવામાં આવી હતી.