બે સબ ડિવિઝનના ૩૬ કનેક્શનમાં ૧૧.૮૮ લાખની વીજચોરી પકડાઈ

મહુવા ડિવિઝનમાં વીજ ચેકિંગ ડ્રાઈવ

જેસર અને બગદાણા સબ ડિવિઝનમાં વીજતંત્રની ૧૫ ટીમે ૧૬૩ કનેક્શનો તપાસ્યા

ભાવનગર -  પીજીવીસીએલ ભાવનગર વર્તૂળ કચેરીના મહુવા ડિવિઝનના બે સબ ડિવિઝનમાં પીજીવીસીએલ ૩૬ કનેક્શનોમાં રૃા.૧૧.૮૮ લાખની વીજચોરી પકડી પાડી દંડાત્મક કાર્યવાહી કરવામાં આવી છે.

ુપીજીવીસીએલ ભાવનગર વર્તૂળ કચેરી હેઠળના મહુવા ડિવિઝનના બગદાણા અને જેસર સબ ડિવિઝનમાં આજે વીજતંત્ર દ્વારા વીજ ચેકિંગની કામગીરી હાથ ધરવામાં આવી હતી. પીજીવીસીએલની ૧૫ ટીમે બન્ને સબ ડિવિઝનના ૧૫૩ રહેણાંકી અને ૧૦ વાણિજ્ય મળી કુલ ૧૬૩ વીજ કનેક્શનો તપાસવામાં આવ્યા હતા. જેમાંથી ૩૪ રહેણાંકી અને બે વાણિજ્ય મળી કુલ ૩૬ કનેક્શનોમાં રૃા.૧૧.૮૮ લાખની વીજચોરી પકડાતા પીજીવીસીએલ દ્વારા દંડાત્મક કાર્યવાહી કરવામાં આવી હતી.