સાંજણાસર ગામના વૃદ્ધ પર હુમલો કરી ધમકી આપી

વાડીમાંથી બાજરીના થડીયા લઈ લઈ લેવાનું કહેતા

ધારિયા અને પાઈપ વડે માર મારી ઈજા પહોંચાડનારા બે શખ્સ સામે ગુનો નોંધાયો

ભાવનગર -  પાલિતાણાના સાંજણાસર ગામના વૃદ્ધ પર પાઈપ અને ધારિયા વડે હુમલો કરી ઈજા પહોંચાડી ધમકી આપનારા બે શખ્સ સામે પાલિતાણા ગ્રામ્ય પોલીસ મથકમાં ફરિયાદ નોંધાઈ છે.

પાલિતાણા તાલુકાના સાંજણાસર ગામે રહેતા ધીરૃભાઈ દેહાભાઈ ફગાએ પાલિતાણા ગ્રામ્ય પોલીસ મથકમાં પ્રતાપભાઈ દોલુભાઈ ફગા અને દિનેશ દોલુભાઈ ફગા (બન્ને રહે.સાંજણાસર) સામે ફરિયાદ નોંધાવી હતી. જેમાં તેમની વાડીમાં ઉક્ત બન્ને તેમના ભાઈના દિકરાઓએ બાજરીના થડીયા નાખ્યા હતા. જેમને વાડીમાંથી થડીયા લઈ લેવાનું કહેતા ઉક્ત બન્ને હાથમાં પાઈપ લઈને આવી અપશબ્દો કહી પાઈપ અને ધારિયા વડે માર મારી મુંઢ ઈજા કરી જાનથી મારી નાખવાની ધમકી આપી હતી. આ અંગે પાલિતાણા ગ્રામ્ય પોલીસે ગુનો નોંધી આગળની કાર્યવાહી હાથ ધરી છે.