વડોદરામાં ડ્રગ્સ ક્યાં ક્યાં મળે છે..યુવતીનો વીડિયો વાયરલઃફતેગંજમાં રૃ.200 લઇને જાવ એટલે ડ્રગ્સ મળી જાય

વડોદરામાં ક્યાં ક્યાં ડ્રગ્સ મળે છે તેની ઝુંબેશ ચલાવનાર યુવતીનો વીડિયો વાયરલ થયો છે.
ડ્રગ્સ સામે કડક કાર્યવાહી કરવા માગણી કરતી યુવતીનું કહેવું છે કે,જો મારી પાસે ડ્રગ્સની માહિતી આવતી હોય તો પોલીસ પાસે પણ આવતી જ હશે.
આ યુવતી દ્વારા ફતેગંજ,નવાયાર્ડ, જેતલપુર બ્રિજ જેવા વિસ્તારો અને ડ્રગ્સ પેડલરોના નામોનો પણ ઉલ્લેખ કરવામાં આવ્યો છે અને ફતેગંજમાં તો રૃ.૨૦૦ લઇને જાવ તો ડ્રગ્સ મળી જાય તેમ કહ્યું છે.પોલીસે કહ્યું છે કે,અમારી પાસે સીધી માહિતી આવી નથી.આમ છતાં અમે જે વોચ રાખી રહ્યા છીએ.ડ્રગ્સના મુદ્દે વડોદરા પોલીસે ઝીરો ટોલરન્સની નિતી અપનાવી છે.