તલવારથી કેક કટિંગ કરતા હોવાનો વીડિયો વાયરલ

તલવારથી કેક કટિંગ કરતા બે યુવકો સામે સિટિ પોલીસે ગુનો દાખલ કરી કાયદેસરની કાર્યવાહી હાથ ધરી છે.
સોશિયલ મીડિયા પર એક વીડિયો વાયરલ થયો હતો.જેમાં ઇદની ઉજવણી દરમિયાન કેક કટિંગના મથાળા હેઠળ એક વીડિયો હતો. જેની તપાસ પોલીસે કરતા એવી વિગતો જાણવા મળી હતી કે, ૨૬ મી તારીખે મળસ્કે ચાર વાગ્યે યાકુતપુરા હજરત એપાર્ટમેન્ટ નજીક જાહેર રોડ પર બે શખ્સ એકબીજાથી થોડા અંતરે હાથમાં તલવાર જેવું હથિયાર લઇને ઊભા હતા અને કેક કટિંગ કરતા હતા. આ બંને યુવકો અકરમ ફારૃખભાઇ સિન્ધી, ઉં.વ.૨૪ (રહે. અજબડી મિલ પાસે) તથા મોહંમદનદીમ ઉર્ફે ભોલુ દાઢી ગુલામ દસ્તગીર સિન્ધી, ઉં.વ.૪૦ (રહે. યાકુતપુરા) ની સામે સિટિ પોલીસે ગુનો દાખલ કરી તલવાર કબજે કરી છે.