કરજણ અને ડેસરમાં બે દિવસમાં પાંચ કરોડના વાહનો કબજે

વડોદરા જિલ્લા ખાણ ખનીજ કચેરી ની તપાસ ટીમ દ્વારા બે દિવસમાં સાવલી, ડેસર અને કરજણમાં કાર્યવાહી કરી આશરે પાંચ કરોડથી વધુનો મુદ્દામાલ જપ્ત કરવામાં આવેલ છે.
ડેસર તાલુકાના છાલિયેર, સાવલી તાલુકાના જાલમપુરા ગામે ગેરકાયદે રેતી ખનનના મુદ્દે ખાતે ૨ હિટાચી મશીન કબજે કરવામાં આવ્યા છે. વડોદરા તથા સાવલી તાલુકામાં કુલ મળી ને ૪ ટ્રક અવરલોડ ખનિજ વહન કરતા તથા ૨ ટ્રક ગેરકાયદેસર ખનીજ ભરીને જતા કબજે કરવામાં આવ્યા છે.
તેવી જ રીતે ગત ૮ મી તારીખે કરજણ તાલુકા ખાતે સારિંગ નારેશ્વર રોડ પરથી ૫ ટ્રક કબજે કરાયા છે.ડેસર તાલુકાના પીપળીયા શિહોરા ખાતે આકસ્મિક તપાસ હાથ ધરવામાં આવતા ૨ ટ્રેકટર, ૩ ટ્રક,૧ જેસીબી મશીન તેમજ ૧ હિટાચી મશીન સાદી રેતી ખનીજના ગેરકાયદે ખોદકામ કરવા બદલ કબજે કરાયા છે. સાવલીના જાલમપુરા ગામે સતત બીજા દિવસે ખાતેથી ૧ હિટાચી મશીન સાદી રેતી ખનીજના ગેરકાયદે ખોદકામ કરવા બદલ જપ્ત કરાયું છે.