દશરથમાં પ્લોટ સાચવતા ત્રણ સંતાનના પિતાની ઘાતકી હત્યાનો ભેદ અકબંધ

વડોદરાના દશરથ ખાતે ત્રણ સંતાનના પિતાની થયેલી ઘાતકી હત્યાના બનાવમાં એક સપ્તાહથી વધુ સમય વીતી ગયો હોવા છતાં હજી તેનો ભેદ અકબંધ રહ્યો છે.
દશરથ ગામે અશોકભાઇ પટેલની જમીનમાં પ્લોટિંગનું કામ કરવાનું હોવાથી અને જમીન સાચવતા ભવાનભાઇ વસાવાએ આંખનું ઓપરેશન કરાવ્યું હોવાથી તેમના બદલે તેમનો પુત્ર ઉમેદ વસાવા તા.૨૫મી જૂને રાત્રે જમીન સાચવવા ગયો હતો.
આ દરમિયાન કોઇ વ્યક્તિએ તેના માથામાં તીક્ષણ હથિયાર વડે તેમજ મોંઢે બોથડ પદાર્થ વડે હુમલો કરતાં મોત નીપજ્યું હતું.છાણી પોલીસે હત્યાનો ગુનો નોંધી પરિવારજનોની પૂછપરછ કરી તપાસ હાથ ધરી હતી.છાણીની તપાસમાં ક્રાઇમ બ્રાન્ચ સહિતની ટીમો પણ સામેલ થઇ છે.પરંતુ હજી સુધી હત્યાનો ભેદ ઉકેલાયો નથી.