૬ વર્ષની બાળકીમાં શંકાસ્પદ ચાંદીપુરાના લક્ષણો

શહેર નજીકના એક ગામમાં રહેતી ૬ વર્ષની બાળકીમાં ચાંદીપુરાના શંકાસ્પદ લક્ષણો જણાઇ આવતા તેની સારવાર હોસ્પિટલમાં શરૃ કરાઇ છે.
પંચમહાલ જિલ્લાના આંતરિયાળ વિસ્તારોમાં હાહાકાર મચાવનાર ચાંદીપુરા વાયરસના કારણે કેટલાક બાળકોને જીવ ગુમાવવાનો વારો આવ્યો હતો. વાયરસને ફેલાતો અટકાવવા માટે આરોગ્ય વિભાગની ટીમ દ્વારા ઠેર - ઠેર સાફ સફાઇની કામગીરી કરવામાં આવી હતી. તેમછતાં હજી સમયાંતરે શંકાસ્પદ કેસો નોંધાઇ રહ્યા છે. ગઇકાલે શહેર નજીકના એક ગામમાં રહેતી ૬ વર્ષની બાળકીમાં ચાંદીપુરાના લક્ષણો જણાતા તેને સારવાર માટે દાખલ કરવામાં આવી છે. તેના બ્લડ સેમ્પલ ચકાસણી માટે મોકલી આપવામાં આવ્યા છે. જેનો રિપોર્ટ આગામી સોમવારે આવશે.