આજવા રોડ પર એક મહિના જૂના ઝઘડાની અદાવતે યુવકની કાર પર પથ્થરમારો

Vadodara: ન્યુ વીઆઇપી રોડ પંચમ ડુપ્લેક્સ માં રહેતો રોહન ઓમ પ્રકાશ ખટીક ગોલ્ડન ચોકડી પાસે હોટલ ચલાવે છે બાપોદ પોલીસ સ્ટેશનમાં તેને ફરિયાદ નોંધાવી જણાવ્યું છે કે, 17 ની જૂને રાત્રે 12:30 વાગે આજવા રોડ લીલાબા નગર સોસાયટીના નાકા પર મારી ગર્લફ્રેન્ડ સાથે શક વહેમ બાબતે ઝઘડો થયો હતો તે વખતે લીલાબા નગર સોસાયટીમાં રહેતો રુદ્ર સોલંકી આવીને અહીંયા ઝઘડો કેમ કરો છો ? તેમ કહી મારી સાથે તકરાર કરી હતી. આ બાબતે અમારી વચ્ચે અંદરો અંદર સમાધાન થઈ ગયું હતું.

ત્યારબાદ 16 મી જુલાઈ ના રોજ હું તથા મારો મિત્ર અશ્વિન મારી કાર લઈને આજવા ચોકડી પાસે રાત્રે બજારમાં નાસ્તો કરવા ગયા હતા રાત્રે 11:30 વાગે લીલાબા નગર સોસાયટીના નાકા પાસે રુદ્ર સોલંકી ઉભો હોય તે મારી ગાડી ઉભી ઉભી રાખી તેની સાથે વાતચીત કરવા ગયો હતો તે દરમિયાન રુદ્ર સોલંકી મને ગાળો બોલે માર માર્યો હતો. મારો મિત્ર અશ્વિન મને છોડાવા વચ્ચે પડતા તેને પણ રુદ્ર સોલંકી ના બે મિત્રોએ માર માર્યો હતો આ હુમલામાં મારી સોનાની ચેન પડી ગઈ હતી.ત્યારબાદ ટોળું ભેગું થઈ જતા હું મારી કારો લઈને ભાગવા જતા રુદ્ર તથા તેના બે મિત્રોએ મારી કાર પર પથ્થરમારો કર્યો હતો હું બાપોદ પોલીસ સ્ટેશનમાં ગયો હતો પરંતુ મને ઇજા થઈ હોય ત્યાંથી 108 ગાડીમાં બેસી ખાનગી હોસ્પિટલમાં સારવાર કરાવવા આવ્યો હતો.