શ્રીજીની સવારીમાં મારામારી કરનારા છ ઝડપાયા

શ્રીજીની આગમન યાત્રામાં થયેલા મારામારીના બનાવમાં રાવપુરા પોલીસે ૬ શખ્સોની ધરપકડ કરી છે.

કલાલી વિસ્તારમાં રહેતો ૨૨ વર્ષનો  દીપક વણઝારા ગેરેજમાં મિકેનિકનું કામ કરે છે. દીપકે ફરિયાદમાં કહ્યું કે ગત્ ૮ ઓગસ્ટે રાત્રે ૧૦ વાગ્યે મિત્રો સાથે શ્રીજીની આગમન યાત્રામાં આતશબાજી જોવા માટે ગયો હતો. આ દરમિયાન ન્યાયમંદિર બસ સ્ટેન્ડ પાસે અજાણ્યા પાંચથી છ શખ્સોએ અમે તેમની મજાક ઉડાવી રહ્યાનો વહેમ રાખી અમારી સાથે મારામારી કરી હતી.

પોલીસે આ ગુનામાં સંડોવાયેલા હર્ષ કહાર, વિશાલ માળી, અશ્વિન કહાર, મેહુલ કહાર (તમામ રહે. ઉકાજીનું વાડિયું, વૃંદાવન સર્કલ પાસે), જયદીપ પટેલ (રહે.જીવનગર, પ્રભાત ચાર રસ્તા પાસે) અને ધુ્રવ વસાવા (રહે.પ્રીતમનગર સોસાયટી,બાપોદ)ને ઝડપી પાડી કાયદેસરની કાર્યવાહી હાથ ધરી છે.