ફતેપુરા ચાર રસ્તા પાસે ત્રણ માળના મકાનમાં આગ લાગતા ફસાયેલી યુવતીનું રેસ્કયૂ

Vadodara Fire Brigade : વડોદરાના ફતેપુરા વિસ્તારમાં આજે સવારે એક મકાનમાં આગ લાગતા બાથરૂમમાં ફસાયેલી યુવતીને બચાવી લેવામાં આવી હતી.
ફતેપુરા વિસ્તારના ત્રણ માળના મકાનમાં બીજા માળે શોર્ટ સર્કિટને કારણે આગ લાગી હોવાનું જાણવા મળ્યું છે. આંખમાં ઘરવખરી લપેટાઈ ગઈ હતી જ્યારે પરિવારજનો બહાર નીકળી ગયા હતા.
આ વખતે યુવતી બાથરૂમમાં હોવાને કારણે ફસાઈ ગઈ હતી. દાંડિયા બજાર ફાયર બ્રિગેડની ટીમ દ્વારા આગને કાબૂમા લેવાની સાથે સાથે યુવતીનું રેસ્ક્યુ કરવામાં આવ્યું હતું. બનાવોને પગલે ટોળા જામતા વાહન વ્યવહાર ઉપર અસર પડી હતી, જેથી પોલીસે સ્થિતિ સંભાળી હતી.