અક્ષર ચોકથી સનફાર્મા રોડ પર દબાણો દૂર કરી ત્રણ ટ્રક ભરી સામાન જમા લેવાયો

Vadodara Corporation : વડોદરા મ્યુનિસિપલ કોર્પોરેશનની દબાણ શાખા દ્વારા શુક્રવારે રાત્રે વોર્ડ નંબર 11માં અક્ષર ચોકથી સનફાર્મા રોડ પર બંગડી સર્કલથી મહારાજા ચોકડી સુધી દબાણ હટાવવાની કામગીરી હાથ ધરવામાં આવી હતી.
આ દરમિયાન શેડ, લારી-ગલ્લા, કેબિનો અને પરચૂરણ સામાન સહિત ત્રણ ટ્રક જેટલો સામાન જપ્ત કરવામાં આવ્યો હતો. સાથે જ પાંચ કાચા શેડનાં દબાણો દૂર કરી રૂ.12,500નો દંડ વસૂલવામાં આવ્યો છે.
એક તરફ મુખ્ય માર્ગ પર દબાણો દૂર કરવાની કામગીરી થઈ રહી છે, ત્યારે બીજી તરફ શહેરના અનેક વિસ્તારોમાં રસ્તા પર પડેલી ભંગાર ગાડીઓના દબાણોનો પ્રશ્ન યથાવત્ છે. અનેક વિસ્તારોમાં રસ્તા પર ભંગાર ગાડીઓના દબાણોને કારણે લોકોને અવરજવરમાં હાલાકી ભોગવવી પડી રહી છે.