હોટલ,ગેસ્ટ હાઉસમાં રોકાતા પ્રવાસીઓ પર પોલીસની નજર

વડાપ્રધાનના કાર્યક્રમને ધ્યાને રાખી શહેર પોલીસ દ્વારા હોટલ,ગેસ્ટ હાઉસ તથા વાહનોનું ચેકિંગ શરૃ કરવામાં આવ્યું છે.
વડાપ્રધાનના કાર્યક્રમને અનુલક્ષીને શહેર પોલીસ દ્વારા ઠેર - ઠેર ચેકિંગ શરૃ કરવામાં આવ્યું છે. હોટલમાં રોકાતા મુસાફરોની રજીસ્ટરમાં એન્ટ્રી તેમજ આધાર કાર્ડ કે અન્ય આઇ.ડી. પ્રૂફનું વેરિફિકેશન કરવામાં આવી રહ્યું છે.હોટલ સંચાલકો દ્વારા નિયમ મુજબ ઓનલાઇન માહિતી અપલોડ થાય છે કે કેમ, હોટલના રિસેપ્શન, એન્ટ્રી એક્ઝીટ પોઇન્ટ, લોબીમાં ફિટ કરેલા સીસીટીવી ચાલુ હાલતમાં છે કે કેમ તેની પણ તપાસ કરવામાં આવી રહી છે. તદુપરાંત વડોદરા શહેરમાં આવતા તમામ વાહનોનું સઘન ચેકિેંગ કરવામાં આવી રહ્યું છે.