ડ્રાઇવરની હત્યાના આરોપી પાસે રિ કન્સટ્રક્શન કરાવતી પોલીસ

આજવારોડની એક સ્કૂલ બસના ડ્રાઇવરની હત્યા કરનાર આરોપી પાસે મકરપુરા પોલીસે રિકન્સટ્રક્શન કરાવ્યું હતું.
આજવારોડ એકતાનગરમાં આંબેડકર નગરમાં રહેતા રમેશભાઇ ગણપતરાવ પવાર સ્કૂલ બસમાં ડ્રાઇવર તરીકે નોકરી કરતા હતા. તેમની સાથે બસમાં કંડક્ટર તરીકે ગાજરાવાડીમાં રહેતી પૂજા ખડસેને લોન લઇને આપેલા ત્રણ લાખ રૃપિયા બાબતે તકરાર થતા પૂજાએ પતિ હિમાંશુ સાથે મળીને રમેશભાઇની હત્યા કરી લાશ હાઇવે પર ફેંકી દીધી હતી. મકરપુરા પોલીસે હિમાંશુના સોમવાર સુધીના રિમાન્ડ મેળવ્યા છે. આજે પોલીસ આરોપીને લઇને હત્યાના સ્થળે ગઇ હતી. ત્યાંથી લાશ સગેવગે કઇ રીત ેકરી, રિક્ષા અને મોબાઇલ ફોન ક્યાં અને કેવી રીતે સગેવગે કર્યા હતા, તેની વિગતો પણ પોલીસે મેળવી છે.