છાણી કેનાલમાં પડતું મૂકે તે પહેલાં યુવતીને લોકોએ બચાવી લીધી

છાણી કેનાલમાં પડતું મૂકવાનો પ્રયાસ કરનાર એક યુવતીને લોકોએ બચાવી લઇ પોલીસને જાણ કરી હતી.
છાણી જકાત નાકા વિસ્તારની કેનાલમાં ગઇરાત્રે એક યુવતી કૂદવા માટે આવી હતી.કોઇ સ્થાનિક વ્યક્તિનું ધ્યાન જતાં તેણે બૂમરાણ મચાવી હતી.જેથી લોકો ભેગા થતાં યુવતીને બચાવી લીધી હતી.
બનાવની જાણ ફતેગંજ પોલીસને કરાતાં પોલીસે યુવતીનું કાઉન્સેલિંગ કર્યું હતું અને તેના પરિવારજનોને સોંપવાની તજવીજ કરી હતી.આમ,લોકોની સજાગતાને કારણે યુવતીનો જીવ બચ્યો હતો.