વડોદરા જિલ્લાના કાશીપુરા ચોકડી નજીક ચાની લારી પર ગાંજાનો કારોબાર : એકની ધરપકડ

Vadodara News : વડોદરા જિલ્લાના કાશીપુરા ચોકડી નજીક ચાની એક કેબિનમાં વેચાતો ગાંજાનો જથ્થો પોલીસે ઝડપી પાડી એક શખ્સની ધરપકડ કરવામાં આવી છે.
પોલીસના જણાવ્યા મુજબ સુરેનસિંહ યોગેન્દ્રસિંહ હાલ વડોદરા જિલ્લાના રમણગામડી ગામે રહે છે અને મૂળ રાજસ્થાનના બ્યાવર જિલ્લાના તોડગઢ તાલુકાના અરનાલી ગામનો રહેવાસી છે. તે પોતાના કબજામાં વનસ્પતિજન્ય ગાંજા જેવા માદક પદાર્થનો જથ્થો ગેરકાયદેસર રીતે રાખતો હોવાની હકીકત મળતા પોલીસ સ્ટાફે દરોડો પાડ્યો હતો. તપાસ દરમિયાન તેના કબજામાંથી કુલ 1,140 ગ્રામ જેટલો માદક પદાર્થ, બે મોબાઇલ ફોન, પ્લાસ્ટિકની નાની ઝિપલોકવાળી કોથળીઓ તથા સ્ટીલનો ચોરસ ડબ્બો મળી આવ્યો હતો. પોલીસે કુલ રૂ.61,100નો મુદ્દામાલ કબજે કરી આરોપી વિરુદ્ધ NDPS એક્ટ હેઠળ કાયદેસરની કાર્યવાહી હાથ ધરી વધુ તપાસ શરૂ કરી છે.