છાણી બાદ ફાજલપુરના ફળિયામાં મકાનમાંથી દાગીના અને રોકડની ચોરી

વડોદરામાં ગીચ વિસ્તારોમાં બનતા ચોરીના બનાવોની જેમ હવેે આસપાસના ગ્રામ્ય વિસ્તારોની શેરીઓમાં પણ ચોરીના બનાવ બનવા માંડયા છે.
પંદરેક દિવસ પહેલાં છાણીના વાણિયાવાડના મકાનમાં રહેતા પરિવારજનો દવાખાનાના કામે બહાર ગયા ત્યારે તેમના મકાનમાંથી દાગીનાની ચોરીનો બનાવ બન્યો હતો.
આવી જ રીતે ફાજલપુર ખાતે ડેરીવાળા ફળિયામાં રહેતા ફતેસિંહ ગોહિલે પોલીસને કહ્યું છે કે,તા.૫થી ૮ જુલાઇ દરમિયાન કોઇ પણ સમયે તેમના મકાનના મુખ્ય દરવાજા અને અંદરના દરવાજાના નકૂચા તોડીને ત્રાટકેલા ચોરો સોના ચાંદીના દાગીના અને રોકડા રૃ.૩૫ હજાર મળી કુલ રૃ.બે લાખ ઉપરાંતની મતા ચોરી ગયા હતા.જેથી નંદેસરી પોલીસે ગુનો નોંધી તપાસ હાથ ધરી છે.