વડોદરાના પશ્ચિમ વિસ્તારમાં ચોરીના બનાવો જારી,અકોટાના મકાનમાંથી દાગીના-રોકડની ચોરી

શહેરના પશ્રિમ વિસ્તારોમાં ઘરફોડ ચોરીના બનાવો વારંવાર બની રહ્યા હોવાથી ક્રાઇમ બ્રાન્ચ દ્વારા જુદીજુદી ટીમો દ્વારા તપાસ કરવામાં આવી રહી છે.આ બનાવોમાં વધુ એક ચોરીના બનાવનો ઉમેરો થયો છે.
અકોટાની ચેતન સોસાયટી સામે હાઉસિંગ બોર્ડના મકાનમાં રહેતા નિર્મળાબેન નાનુભાઇ પટેલે પોલીસને કહ્યું છે કે,તા.૨૬મીએ રાત્રે મકાનના દરવાજાનો નકૂચો તોડીને ત્રાટકેલા ચોરો તિજોરી અને બીજો સામાન ફેંદીને રોકડા રૃ.૫૦ હજાર,સોનાની ચેઇન અને ચાંદીની મૂર્તિ મળી રૃ.એક લાખથી વધુની મતા ચોરી ગયા હતા,જેથી અકોટા પોલીસે તપાસ હાથ ધરી છે.