નશેબાજે સ્ટિયરિંગ પરનો કાબૂ ગુમાવતા કાર થાંભલામાં અથડાઇ

સિટિમાં ખરીદી કરી ઘરે જતા નશેબાજ કાર ચાલકે પાણીગેટ શાક માર્કેટ પાસે કાર થાંભલામાં અથાડી દીધી હતી. સદ્નસીબે કોઇને ઇજા થઇ નહતી.
પાણીગેટ પોલીસનો સ્ટાફ પેટ્રોલિંગમાં હતો.તે દરમિયાન પાણીગેટ શાક માર્કેટ એકતાનગર પાસે ટોળું ભેગુ થયું હતું. જેથી, પોલીસે સ્થળ પર જઇને તપાસ કરતા એક કાર થાંભલા સાથે અથડાઇ હતી. સ્થળ પર કારચાલક હાજર હોઇ તપાસ કરતા તેણે દારૃનો નશો કર્યો હોવાનું જણાઇ આવ્યું હતું. જેથી, પોલીસે કારચાલક ચિરાગ નટવરભાઇ પટેલ (રહે. શિવાય સ્કાય, બાલાજી મંદિર પાસે,એલ એન્ડ ટી ની સામે,વાઘોડિયારોડ) પાસે દારૃ પીવાની પરમિટ માગી હતી. પરંતુ, તેની પાસે પરમિટ નહીં હોઇ પોલીસે કારચાલક ચિરાગ સામે દારૃ પી ને કાર ચલાવવવાનો કેસ દાખલ કર્યો હતો.